Maharashtra CM: మహారాష్ట్ర సీఎంగా మళ్లీ దేవేంద్ర ఫడ్నవీస్.. నిజమేనా..

నా జలాలు తగ్గిపోతున్నాయని, నా ఒడ్డున ఇల్లు కట్టవద్దు. నేనే మహాసముద్రం, నేనే తిరిగి వస్తాను. మహారాష్ట్ర (Maharashtra) తాజా అసెంబ్లీ ఎన్నికల ఫలితాల నేపథ్యంలో 2019లో దేవేంద్ర ఫడ్నవీస్ (Devendra Fadnavis) చేసిన ప్రకటనను అనేక మంది మళ్లీ గుర్తు చేసుకుంటున్నారు. ఈ నేపథ్యంలో ఆయన పాత వీడియో సోషల్ మీడియా(socail media)లో ప్రస్తుతం ట్రెండ్ అవుతోంది. ఆ తర్వాత ఫడ్నవీస్ డిప్యూటీ సీఎం కావాల్సిన పరిస్థితి ఏర్పడింది. కానీ తాజాగా వస్తున్న ట్రెండ్ నేపథ్యంలో ఆయన మళ్లీ సీఎంగా (Maharashtra CM) తిరిగొస్తారా అనే చర్చ మొదలైంది. బీజేపీ కూటమి ముందంజ విషయంలో ఫడ్నవీస్ కూడా కీలక పాత్ర పోషించారు.

మరోసారి దేవేంద్ర ఫడ్నవీస్‌కు

మధ్యాహ్నం 12 గంటల వరకు ఓట్ల లెక్కింపు అప్‌డేట్ ప్రకారం బీజేపీ తొలిసారిగా 128 సీట్లు గెలుచుకోనున్నట్లు తెలుస్తోంది. 122 కంటే ఎక్కువ సీట్లు గెలిస్తే రికార్డు అవుతుంది. ఇలాంటి పరిస్థితుల్లో మహారాష్ట్రలో బీజేపీ అతిపెద్ద పార్టీగా అవతరించే అవకాశాలు కనిపిస్తున్నాయి. ఇదే జరిగితే పార్టీ హైకమాండ్ మరోసారి దేవేంద్ర ఫడ్నవీస్‌కు సీఎం పదవి ఇచ్చే అవకాశం ఉంది.

అంటే దేవేంద్ర ఫడ్నవీస్ మరోసారి మహారాష్ట్ర సీఎం కాగలడని అంటున్నారు. అంతేకాదు ఈనెల 26న ఆయన సీఎంగా ప్రమాణ స్వీకారం చేయనున్నట్లు చెబుతున్నారు. అయితే దేవేంద్ర ఫడ్నవీస్ మరోసారి సీఎం కావడంపై గత కొన్ని నెలలుగా అనేక ప్రకటనలు చేశారు. దీనిపై బీజేపీ ఇప్పుడే సూటిగా చెప్పడం లేదు. కానీ బీజేపీ అతిపెద్ద పార్టీ కాబట్టి సీఎం కూడా కావాల్సిందేనని అంతర్గతంగా చర్చించుకుంటున్నారు.

ఫడ్నవీస్ సీఎం అవుతారా?

మహారాష్ట్ర అసెంబ్లీ ఎన్నికల 2024 ఓట్ల లెక్కింపు సందర్భంగా ఈ రోజు బీజేపీ నేత ప్రవీణ్ దారేకర్ కీలక వ్యాఖ్యలు చేశారు. కేంద్రంలో, రాష్ట్రంలో బీజేపీ ప్రభుత్వం ఉంటే, మహారాష్ట్ర మరింత అభివృద్ధి చెందుతుందని, అందుకే ప్రజలు మాకు మెజారిటీని ఇచ్చారని పేర్కొన్నారు. ఇందుకోసం రాష్ట్రానికి చెందిన అక్కాచెల్లెళ్లకు, ప్రజలకు ప్రత్యేకంగా కృతజ్ఞతలు తెలియజేస్తున్నట్లు తెలిపారు. ముఖ్యమంత్రి బీజేపీ నుంచి మాత్రమే ఉంటారని, దేవేంద్ర ఫడ్నవీస్ సీఎం అవుతారని భావిస్తున్నట్లు వెల్లడించారు. ఈ వ్యాఖ్యలు ప్రస్తుతం హాట్ టాపిక్‌గా మారాయి.

మహారాష్ట్రలో బీజేపీ విజయం

27 ఏళ్ల వయసులో నాగ్‌పూర్‌కు అతి పిన్న వయస్కుడైన మేయర్‌గా మారిన ఫడ్నవీస్ చిన్న వయసులోనే సంఘ్‌లో చేరారు. 1999లో నాగ్‌పూర్‌ నుంచే తొలిసారిగా అసెంబ్లీ ఎన్నికల్లో పోటీ చేశారు. 2014లో సీఎం అయ్యారు. ప్రస్తుతం ఆయన రాష్ట్రంలో బీజేపీకి కీలక నేతగా ఉన్నారు. లోక్‌సభ ఎన్నికల్లో పార్టీ ఓటమి తర్వాత ఆయన పాత్ర మరింత కీలకమైంది. ఆర్ఎస్ఎస్ అగ్రనేతలతో ఆయన పలుమార్లు సమావేశాలు నిర్వహించారు. సంఘ్‌తో నిరంతరం టచ్‌లో ఉన్నానని స్వయంగా ఓ ఇంటర్వ్యూలో చెప్పారు. లోక్‌సభ ఎన్నికల్లో ఓడిపోయిన తర్వాత అసెంబ్లీ ఎన్నికల్లో 'అరాచకవాదులు, ఓటు జిహాదీలపై' పోరాడేందుకు సంఘ్‌ను కోరినట్లు సమాచారం.

ఇవి కూడా చదవండి:

Priyanka Gandhi: వాయనాడ్‌లో ప్రియాంక గాంధీ హవా.. ఎంత మెజారిటీయో తెలుసా..

Jharkhand Election Results: జార్ఖండ్ ఎన్నికల ఫలితాల్లో ఈ పార్టీదే ఆధిక్యం.. 24 ఏళ్ల రికార్డ్ బ్రేక్..

Maharashtra Election Results: మహారాష్ట్రలో మెజారిటీ మార్కు దాటేసిన ఈ కూటమి.. గెలుపు ఖాయమేనా..

Bank Holidays: వచ్చే నెలలో 17 రోజులు బ్యాంకులు బంద్.. కారణమిదే.

Read More National News and Latest Telugu News