Diwali 2024: దీపావళి ఎఫెక్ట్.. ఈ ప్రాంతాల్లో గాలి నాణ్యత మరింత విషపూరితం
ABN, Publish Date - Nov 01 , 2024 | 09:06 AM
దేశరాజధాని ఢిల్లీలో వాయు కాలుష్యం కారణంగా ఈసారి కూడా దీపావళికి బాణాసంచా కాల్చడాన్ని నిషేధించారు. అయినప్పటికీ అనేక మంది మాత్రం దీన్ని పాటించలేదు. దీంతో ఢిల్లీ పరిసరాలతోపాటు అనేక చోట్ల గాలి నాణ్యత మరింత దిగజారింది. ఆ వివరాలేంటో ఇక్కడ చుద్దాం.
దేశవ్యాప్తంగా దీపావళి (Diwali 2024) పండుగను అక్టోబర్ 31న ప్రజలు ఘనంగా జరుపుకున్నారు. ఇదే సమయంలో అనేక ప్రాంతాల్లో ప్రజలు బాణాసంచాను పెద్ద ఎత్తున పేల్చారు. దీంతో అనేక చోట్ల వాయు కాలుష్యం మరింత పెరిగింది. ప్రధానంగా ఢిల్లీతో పాటు చుట్టుపక్కల ప్రాంతాల్లో గాలి నాణ్యత తీవ్ర స్థాయికి చేరుకుంది. అనేక ప్రాంతాల్లో AQI 350 దాటేసింది. ఢిల్లీలో కాలుష్యాన్ని దృష్టిలో ఉంచుకుని బాణసంచా కాల్చడం నిషేధించారు. అయినప్పటికీ ఢిల్లీ ఎన్‌సీఆర్‌లో అనేక మంది బాణాసంచా కాల్చారు. ఈ క్రమంలో ఢిల్లీతోపాటు దాని పరిసర ప్రాంతాల్లో గాలి విషపూరితంగా తయారైంది.
ఈ ప్రాంతాల్లో
సెంట్రల్ పొల్యూషన్ కంట్రోల్ బోర్డ్ (CPCB) ప్రకారం ఢిల్లీలోని ఆనంద్ విహార్‌లో నవంబర్ 1న ఉదయం 6 గంటలకు గాలి నాణ్యత (AQI) 395గా ఉండటం విశేషం. ఆనంద్ విహార్, సరితా విహార్‌లలో అత్యధికంగా నమోదైంది. అలీపూర్‌లో సగటు గాలి నాణ్యత (AQI) 318, అశోక్ విహార్‌లో 359, అయా నగర్‌లో 324, బవానాలో 366, IGI టెర్మినల్ T3లో 339, RK పురంలో 382, ద్వారక, 371లో, నార్త్ క్యాంపస్ DU 340, పంజాబీ బాగ్‌లో 380 స్థాయిలో నమోదైంది. ఈ క్రమంలోనే అక్కడి ప్రాంతాల ప్రజలు కళ్ల మంట సమస్యను ఎదుర్కొన్నారు.
కారణమిదేనా
ఇది కాకుండా ITOలో గాలి నాణ్యత 289, లోధి రోడ్‌లో 297, DTUలో 265గా నమోదైంది. ఈ ప్రాంతాలన్నీ తక్కువ గాలి నాణ్యత వర్గంలోకి వచ్చాయి. నోయిడాలో 281, గ్రేటర్ నోయిడాలో 251, గురుగ్రామ్‌లో 300, ఘజియాబాద్‌లో 265 ఏక్యూఐ నమోదైంది. నోయిడా ఎక్స్‌టెన్షన్‌లో AQI 325 దాటింది. నోయిడాలోని సెక్టార్ 62లో 355 కంటే ఎక్కువ నమోదైంది. పొగమంచు కారణంగా రోడ్లపై దాదాపు 500 మీటర్ల మేరకు కనిపించకుండా మారింది. దీపావళితో పాటు గడచిన 24 గంటల్లో కాలుష్యం పెరగడానికి పొట్టులు కాల్చడం కూడా ఓ కారణమని చెబుతున్నారు.
ఇతర నగరాల్లో
దేశ రాజధానిలో బాణసంచా నిషేధం కోసం 377 బృందాలను ఏర్పాటు చేసినట్లు గతంలో ఢిల్లీ పర్యావరణ మంత్రి గోపాల్ రాయ్ అన్నారు. నిషేధంపై అవగాహన కల్పించేందుకు రెసిడెంట్ వెల్ఫేర్ అసోసియేషన్లు, మార్కెట్ అసోసియేషన్లు, సామాజిక సంస్థలతో ఇంటరాక్ట్ చేసేందుకు అధికారులు కృషి చేస్తున్నారని ఆయన చెప్పారు. ఈ క్రమంలోనే దీపావళి తర్వాత దేశంలోని అనేక నగరాల్లో గాలి నాణ్యత తీవ్రంగా క్షీణించింది. ఈ నేపథ్యంలో కోల్‌కతాలో AQI స్థాయి 100, మనాలిలో 254, అరుంబాక్కంలో 210, పెరుంగుడిలో 201 AQI నమోదైంది. రాజస్థాన్ జైపూర్‌లో కూడా గాలి అధ్వాన్నంగా మారి AQI 350కి చేరుకుంది.
ఇవి కూడా చదవండి:
Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..
LPG Gas: సామాన్యులకు షాకింగ్.. పెరిగిన ఎల్‌పీజీ గ్యాస్ ధరలు
Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..
Penny Stock: లక్ష పెట్టుబడితో 4 నెలల్లోనే రూ. 670 కోట్లు.. దేశంలోనే ఖరీదైన స్టాక్‌గా రికార్డ్
Read More National News and Latest Telugu News
Updated Date - Nov 01 , 2024 | 09:22 AM
