PM Modi: బీజేపీకి 370 సీట్లు ఖాయం: మోదీ
ABN , Publish Date - Feb 11 , 2024 | 02:45 PM
రాబోయే లోక్‌సభ ఎన్నికల్లో బీజేపీ హవా కొనసాగుతుందని, బీజేపీ 370 సీట్లుకు పైగా గెలుచుకుంటుందని ప్రధాన మంత్రి నరేంద్ర మోదీ అన్నారు. మధ్యప్రదేశ్ లోని ఝబువలో శనివారంనాడు రూ.7,550 కోట్ల అభివృద్ధి ప్రాజెక్టులకు ప్రధానమంత్రి ఆదివారంనాడు శంకుస్థాన చేశారు.
ఝబువ: రాబోయే లోక్‌సభ ఎన్నికల్లో (Loksabha polls) బీజేపీ హవా కొనసాగుతుందని, బీజేపీ 370 సీట్లుకు పైగా గెలుచుకుంటుందని ప్రధాన మంత్రి నరేంద్ర మోదీ (Narendr Modi) అన్నారు. మధ్యప్రదేశ్ (Madhya Pradesh)లోని ఝబువలో ఆదివారంనాడు రూ.7,550 కోట్ల అభివృద్ధి ప్రాజెక్టులకు ప్రధానమంత్రి ఆదివారంనాడు శంకుస్థాన చేశారు. ''ఆహార్ అనుదాన్ యోజన'' కింద సుమారు రెండు లక్షల మంది మహిళా లబ్దిదారులకు నెలవారీ ఇన్‌స్టాల్‌మెంట్లను అందజేశారు. ఈ పథకం కింద మహిళలకు, ముఖ్యంగా వెనుకబడిన తెగల మహిళలకు పౌష్టికాహారం కోసం నెలకు రూ.1,500 చొప్పున అందిస్తున్నారు. SVAMITVA పథకం కింద 1.75 లక్షల 'అధికార్ అభిలేఖ్' (భూమి హక్కుల రికార్డు)ని కూడా ప్రధాని పంపిణీ చేశారు. ఈ పథకం ప్రజలకు వారి భూమిపై అన్ని అధికారాలు కల్పించనుంది. గిరిజన యువకుల కోసం రూ.170 కోట్లతో ఏర్పాటు చేస్తున్న తాంత్యా మాలా భిల్ యూనివర్శిటికీ కూడా ప్రధాని శంకుస్థాపన చేశారు.
ఈ సందర్భంగా ఏర్పాటు చేసి జన్ జాతీయ మహాసభను ఉద్దేశించి ప్రధాని మాట్లాడుతూ, ప్రజాసేవకు తాము కట్టుబడి ఉన్నామని, డబుల్ ఇంజన్ ప్రభుత్వంతో అభివృద్ధి పనులు డబుల్ స్పీడ్‌తో ముందుకు దూసుకుపోతున్నాయని చెప్పారు. రాష్ట్రంలో చేపట్టిన అభివృద్ధి పనుల పురోగతి ఇందుకు ఉదాహరణ అని అన్నారు. మధ్యప్రదేశ్ రాష్ట్రానికి ప్రధాని వస్తుండటంపై చాలా చర్చ జరుగుతోందని, లోక్‌సభ ఎన్నికల పోరాటాన్ని ఝబువా నుంచి ప్రధాని ప్రారంభించనున్నారని కొందరు చెబుతున్నారని, అయితే తాను ఎన్నికల ప్రచారం కోసం ఇక్కడకు రాలేదని, ప్రజలకు సేవ చేసేందుకు వచ్చానని అన్నారు. గిరిజన కమ్యూనిటీ తమకు ఓటు బ్యాంకు కాదని, దేశానికి గర్వకారణమని ప్రశంసించారు. గత పదేళ్లలో తమ ప్రభుత్వం సాధించిన అభివృద్ధిని కూడా ఈ సందర్భంగా మోదీ వివరించారు. దీనికి ముందు, ఝబువా ప్రధాని రోడ్‌షోలో పాల్గొన్నారు. రోడ్డుకి ఇరువైపులా ప్రజలు ప్రధానిపై పూలు జల్లుతా సాదరస్వాగతం పలికారు. ప్రధాని వెంట మధ్యప్రదేశ్ ముఖ్యమంత్రి మోహన్ యూదవ్ కూడా రోడ్‌షోలో పాల్గొన్నారు.
