బీజేపీ, ఆర్‌ఎస్ఎస్‌ విషనాగులు: ఖర్గే
ABN, Publish Date - Nov 18 , 2024 | 03:10 AM
దేశంలో బీజేపీ, ఆర్‌ఎ్‌సఎస్‌ రాజకీయంగా ప్రమాదకరమైనవని కాంగ్రెస్‌ జాతీయ అధ్యక్షుడు మల్లికార్జున ఖర్గే అన్నారు.
పుణె/ముంబై, నవంబరు17: దేశంలో బీజేపీ, ఆర్‌ఎ్‌సఎస్‌ రాజకీయంగా ప్రమాదకరమైనవని కాంగ్రెస్‌ జాతీయ అధ్యక్షుడు మల్లికార్జున ఖర్గే అన్నారు. బీజేపీ, ఆర్‌ఎ్‌సఎస్‌లను విషనాగులతో పోల్చారు. అందుకే వాటిని చంపేయాలంటూ మహారాష్ట్ర ఓటర్లకు పిలుపునిచ్చారు. అసెంబ్లీ ఎన్నికల ప్రచారంలో భాగంగా సంగ్లీలో జరిగిన బహిరంగసభలో ఆయన ప్రసంగించారు. మహారాష్ట్రలో జరుగుతున్నవి అసెంబ్లీ ఎన్నికలని, ప్రధానమంత్రిని ఎన్నుకునేవి కావని వ్యంగ్యంగా మాట్లాడుతూ ఆయన మోదీ ఎన్నికల ప్రచారాన్ని తప్పుబట్టారు. కాగా, మహారాష్ట్రలో నెలకొల్పాల్సిన పరిశ్రమలు, పెద్ద ప్రాజెక్టులను స్వార్థబుద్ధితో గుజరాత్‌కు తరలిస్తున్నారని కాంగ్రెస్‌ ప్రధాన కార్యదర్శి ప్రియాంక గాంధీ వాద్రా ఆరోపించారు. ఆదివారం మహారాష్ట్రలోని గడ్చిరోలి జిల్లాలో జరిగిన ఎన్నికల ప్రచార సభలో ఆమె ప్రసంగించారు.
Updated Date - Nov 18 , 2024 | 03:10 AM
