Manmohan Singh Funeral: మన్మోహన్ సింగ్ అంతిమ యాత్రలో రాహుల్ గాంధీ ఏం చేశారంటే

మాజీ ప్రధాని, డాక్టర్ మన్మోహన్ సింగ్ అంత్యక్రియలను (Manmohan Singh Funeral) ఈరోజు ఢిల్లీ(delhi)లోని నిగంబోధ్ ఘాట్‌లో పూర్తి ప్రభుత్వ లాంఛనాలతో ఉదయం 11.45 గంటలకు నిర్వహించనున్నారు. ఈ సమయంలో భారత రాష్ట్రపతి ద్రౌపతి ముర్ము, ప్రధాని నరేంద్ర మోదీ సహా ఇతర వీవీఐపీలు కూడా ఆయన చివరి దర్శనానికి హాజరుకానున్నారు. మన్మోహన్ సింగ్ (92) గురువారం రాత్రి ఎయిమ్స్‌లో కన్నుమూశారు. ఆయన మృతితో దేశవ్యాప్తంగా శోకసంద్రం నెలకొంది. ప్రస్తుతం ఆయన అంతిమ యాత్ర ప్రారంభమైంది.

కాంగ్రెస్ ప్రధాన కార్యాలయంలో

ఈరోజు ఉదయం 8 గంటలకు ఆయన భౌతికకాయాన్ని ఢిల్లీలో కాంగ్రెస్ ప్రధాన కార్యాలయానికి తీసుకెళ్లారు. ఆయన పార్థివ దేహాన్ని కాంగ్రెస్ ప్రధాన కార్యాలయంలో ఉదయం 8:30 నుంచి 9:30 గంటల వరకు అక్కడకు వచ్చిన జనాలను చూసేందుకు ఉంచారు. ఢిల్లీలోని ఏఐసీసీ ప్రధాన కార్యాలయంలో తెలంగాణ ముఖ్యమంత్రి రేవంత్‌రెడ్డి కూడా మాజీ ప్రధాని మన్మోహన్‌సింగ్‌కు నివాళులర్పించారు. ఉదయం 9:30 గంటల తర్వాత ఆయన అంతిమ యాత్ర మొదలైంది. ఉదయం 11:15 నుంచి 11:27 వరకు కేంద్ర హోం కార్యదర్శి, రక్షణ కార్యదర్శి, ఎయిర్ ఫోర్స్ చీఫ్, నేవీ చీఫ్, ఆర్మీ చీఫ్, CDS, క్యాబినెట్ సెక్రటరీ వచ్చి మాజీ ప్రధానికి నివాళులర్పిస్తారు.

స్మారక చిహ్నం కోసం

మాజీ ప్రధాని మన్మోహన్‌ సింగ్‌ స్మారక చిహ్నం కోసం ప్రభుత్వం స్థలం కేటాయిస్తుందని, ఈ విషయాన్ని ఆయన కుటుంబసభ్యులకు, కాంగ్రెస్‌ అధ్యక్షుడు మల్లికార్జున్‌ ఖర్గేకు తెలియజేశామని కేంద్ర హోంశాఖ శుక్రవారం రాత్రి తెలిపింది. అంత్యక్రియలు, ఇతర లాంఛనాల తర్వాత స్మారక నిర్మాణ ప్రక్రియను ప్రారంభిస్తామని హోం మంత్రిత్వ శాఖ తెలిపింది. డాక్టర్ మన్మోహన్ సింగ్ సహకారం, ఆయన పట్ల ఉన్న గౌరవ భావాన్ని దృష్టిలో ఉంచుకుని ఈ ప్రక్రియ ప్రారంభించబడుతుందన్నారు. దీనికి ముందు డాక్టర్ మన్మోహన్ సింగ్ అంత్యక్రియలను ఆయన స్మారక చిహ్నం నిర్మించే స్థలంలో నిర్వహించాలని అభ్యర్థిస్తూ కాంగ్రెస్ అధ్యక్షుడు మల్లికార్జున్ ఖర్గే ప్రధాని నరేంద్ర మోదీకి లేఖ రాశారు.

స్మారక చిహ్నం వివాదంపై రాజకీయాలు

స్మారకం కోసం స్థలాన్ని ఎంపిక చేయడంలో ప్రభుత్వం జాప్యం చేయడం భారత తొలి సిక్కు ప్రధానమంత్రిని ఉద్దేశపూర్వకంగా అవమానించడమేనని కాంగ్రెస్ ఆరోపించింది. కాంగ్రెస్ ఈ జాప్యాన్ని రాజకీయ చర్యగా అభివర్ణించింది. దీనిపై బీజేపీ అధికార ప్రతినిధి సుధాన్షు త్రివేది స్పందించారు. 'మన్మోహన్ సింగ్‌కు సముచిత గౌరవం ఇచ్చేందుకు ప్రధాని మోదీ నేతృత్వంలోని బీజేపీ, ఎన్డీయే ప్రభుత్వం పూర్తిగా కట్టుబడి ఉందన్నారు. ఈ నేపథ్యంలో డాక్టర్ మన్మోహన్ సింగ్ స్మారకార్థం స్మారక చిహ్నం, సమాధి నిర్మించాలని నిన్న జరిగిన కేబినెట్ సమావేశంలో నిర్ణయించి ఈ విషయాన్ని కాంగ్రెస్ పార్టీకి తెలియజేశారని చెప్పారు.

రాజకీయాలకు దూరంగా ఉండాలి

స్మారక స్థూపాన్ని నిర్మించాలని ప్రభుత్వం నిర్ణయించిందని, భూసేకరణ, ట్రస్టు ఏర్పాటు, భూ బదలాయింపు వంటి ప్రక్రియలు పూర్తయిన తర్వాత ఎంత సమయం తీసుకున్నా పనులు సక్రమంగా జరుగుతాయని కాంగ్రెస్‌ అధ్యక్షుడు మల్లికార్జున్‌ ఖర్గేకు కేంద్ర హోంమంత్రి అమిత్‌ షా తెలిపారని గుర్తు చేశారు. పద్ధతి ప్రకారం వీలైనంత త్వరగా పూర్తి చేయబడుతుందన్నారు. డాక్టర్ మన్మోహన్ సింగ్‌ను ఆయన జీవితకాలంలో ఎన్నడూ గౌరవించని కాంగ్రెస్ పార్టీ.. నేడు ఆయన మరణానంతరం కూడా రాజకీయాలు చేస్తోందన్నారు. 10 సంవత్సరాల పాటు ప్రధాని పదవిలో కొనసాగి గాంధీ కుటుంబం కాకుండా దేశానికి వచ్చిన మొదటి ప్రధానమంత్రి మన్మోహన్ సింగ్ అని గుర్తు చేసుకున్నారు. కనీసం ఈరోజు అయినా ఈ దుఃఖ ఘడియలో రాజకీయాలకు దూరంగా ఉండాలని కోరారు.

ఇవి కూడా చదవండి:

Traffic Guidelines: రాజధాని ప్రజలకు అలర్ట్.. మధ్యాహ్నం 3 వరకు ట్రాఫిక్ ఆంక్షలు

School Holidays: 15 రోజులు స్కూళ్లకు సెలవు.. కారణమిదే..

Personal Finance: మీ అప్పులను ఈ 7 మార్గాల ద్వారా ఈజీగా తీర్చుకోండి..

Manmohan Singh Net Worth: మాజీ ప్రధాని మన్మోహన్ సింగ్ ఆస్తులు ఎంత ఉన్నాయో తెలుసా..

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Read More National News and Latest Telugu News