Rahul Gandhi: హింసాత్మక ఘటన బాధితులను కలవనున్న రాహుల్ గాంధీ

కాంగ్రెస్ ఎంపీ, ప్రతిపక్షనేత రాహుల్ గాంధీ (RahulGandhi) ఈరోజు (23 డిసెంబర్ 2024) మహారాష్ట్రలో పర్యటించనున్నారు. ఈ పర్యటనలో ఆయన పర్భానీ జిల్లాలో చోటు చేసుకున్న హింసాత్మక ఘటనలో బాధిత కుటుంబాలను కలవనున్నారు. ఈ ఘటనలో ఇద్దరు ప్రాణాలు కోల్పోయారు. అనేక మంది గాయపడ్డారు. రాహుల్ గాంధీ ఈ పర్యటన ద్వారా అక్కడి బాధిత కుటుంబాలకు సానుభూతి తెలిపి, రాష్ట్ర ప్రభుత్వం తీసుకోవాల్సిన చర్యలపై ప్రస్తావించనున్నారు.

పర్భానీ జిల్లా హింసాత్మక ఘటన

మహారాష్ట్ర రాష్ట్రంలోని పర్భానీ జిల్లాలో ఇటీవల చోటుచేసుకున్న హింసాత్మక ఘటన రాష్ట్రంలో తీవ్ర ఆందోళన కలిగించింది. 2024 డిసెంబర్ మొదటి వారంలో గ్రామస్థులు, సామాజిక వర్గాల మధ్య తీవ్ర ఉద్రిక్తతలు ఏర్పడిన సంగతి తెలిసిందే. పోలీసు కస్టడీలో మరణించిన అంబేద్కరైట్ సోమనాథ్ సూర్యవంశీ, నిరసనల్లో పాల్గొని మరణించిన విజయ్ వాకోడే కుటుంబాలను రాహుల్ గాంధీ పరామర్శించనున్నారు. డిసెంబరు 10వ తేదీ సాయంత్రం, నగరంలోని రైల్వే స్టేషన్ వెలుపల డాక్టర్ బాబాసాహెబ్ అంబేద్కర్ విగ్రహం సమీపంలో రాజ్యాంగం ప్రతిరూపాన్ని ధ్వంసం చేసిన తర్వాత పర్భానీలో హింసాత్మక ఘటనలు జరిగాయి. అయితే తనను హింసించలేదని సూర్యవంశీ మేజిస్ట్రేట్‌కు చెప్పారని ముఖ్యమంత్రి దేవేంద్ర ఫడ్నవీస్ ఇటీవల అసెంబ్లీలో చెప్పారు. అంతే కాకుండా సీసీటీవీ ఫుటేజీలో క్రూరత్వానికి సంబంధించిన ఆధారాలు లేవు.

'డ్రామా'గా పేర్కొన్న బీజేపీ

అదే సమయంలో రాహుల్ గాంధీ పర్యటనను బీజేపీ 'డ్రామా'గా అభివర్ణించింది. రాష్ట్ర బీజేపీ చీఫ్‌, రెవెన్యూ మంత్రి చంద్రశేఖర్‌ బవాన్‌కులే మాట్లాడుతూ.. 'రాహుల్‌ గాంధీ తన జీవితమంతా నాటకాలాడుతున్నారని ఆరోపించారు. ఆయనకు రాజ్యాంగంపై గౌరవం లేదని, బాలాసాహెబ్ రాజ్యాంగానికి వ్యతిరేకంగా కాంగ్రెస్‌కు చాలాసార్లు చర్చించిన రికార్డు ఉందన్నారు. బాలాసాహెబ్ ఎన్నికల ద్వారా పార్లమెంటుకు పోటీ చేయాలని ప్రయత్నించినప్పుడల్లా, ఆయన అలా చేయలేరని నిర్ధారించింది కాంగ్రెస్. ఈ విషయంలో ముఖ్యమంత్రి దేవేంద్ర ఫడ్నవీస్ ఇప్పటికే చర్యలు తీసుకున్నారు.

అమిత్ షా వ్యాఖ్యలు

నిజానికి అంబేద్కర్ గురించి పార్లమెంటులో దుమారం రేగింది. కేంద్ర హోంమంత్రి అమిత్ షా తన ప్రసంగంలో అంబేద్కర్ గురించి కీలక వ్యాఖ్యలు చేశారు. మీరు అంబేద్కర్ పేరుకు బదులు దేవుళ్ల పేరు ప్రస్తావిస్తే మీరు స్వర్గానికి వెళ్తారని అభిప్రాయం వ్యక్తం చేశారు. ఆ వ్యాఖ్యలు సోషల్ మీడియాలో వైరల్ అయ్యాయి. ఆ తర్వాత అమిత్ షా క్షమాపణలు చెప్పాలని, రాజీనామా చేయాలని ప్రతిపక్షాలు డిమాండ్ చేస్తూనే ఉన్నాయి. ఇంతలో ఈ ఘటన పర్భానీలో చోటుచేసుకుంది. దీంతో అంబేద్కర్ ఈ మొత్తం సమస్యకు కేంద్రంగా ఉన్నారని చెప్పవచ్చు. ఇలాంటి పరిస్థితుల్లో కాంగ్రెస్, బీజేపీ రెండూ వెనక్కి తగ్గడానికి ఇష్టపడడం లేదు. రాహుల్ గాంధీ పర్భానీ పర్యటనకు వెళ్లడానికి కారణం కూడా ఇదే. ఇప్పుడు ఆయన పర్భానీకి రాగానే ఈ సమస్య ఎటువైపు వెళ్తుందో చూడాలి మరి.

ఇవి కూడా చదవండి:

National Farmers Day: నేడు జాతీయ రైతు దినోత్సవం.. దీని చరిత్ర గురించి తెలుసా..

Next Week IPOs: ఈ వారం రానున్న ఐపీఓలు ఇవే.. ఈసారి ఎన్ని కంపెనీలంటే..

Cyber Protection: సైబర్ మోసాల నుంచి మీ డెబిట్, క్రెడిట్ కార్డ్‌లను ఇలా రక్షించుకోండి..

Public Holidays: 2025లో పబ్లిక్ హాలిడేస్ ఎన్ని రోజులో తెలుసా..

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Personal Finance: మీ అప్పులను ఈ 7 మార్గాల ద్వారా ఈజీగా తీర్చుకోండి..

Top Mutual Funds: గత ఐదేళ్లలో టాప్ 7 మ్యూచువల్ ఫండ్స్.. ఎంత రిటర్న్స్ ఇచ్చాయంటే..

Personal Finance: రూ. 10 వేల పొదుపుతో రూ. 7 కోట్ల సంపాదన.. ఎలాగో తెలుసా..

Read More National News and Latest Telugu News