7 సెకన్ల వ్యవధిలో 5 సార్లు నమస్కారాలు
ABN, Publish Date - Oct 26 , 2024 | 03:24 AM
ఓ రాజకీయ నాయకునికి యువ ఐఏఎస్‌ అధికారిణి ఏడు సెకన్ల వ్యవధిలో అయిదు సార్లు నమస్కారం చేయడం చర్చనీయాంశంగా మారింది.
బీజేపీ నేతకు యువ ఐఏఎస్‌ అధికారిణి గౌరవం
జైపూర్‌, అక్టోబరు 25: ఓ రాజకీయ నాయకునికి యువ ఐఏఎస్‌ అధికారిణి ఏడు సెకన్ల వ్యవధిలో అయిదు సార్లు నమస్కారం చేయడం చర్చనీయాంశంగా మారింది. రాజస్థాన్‌ రాష్ట్ర బీజేపీ మాజీ అధ్యక్షుడు సతీష్‌ పునియా ఎస్‌వీయూలో దిగగానే బర్మేర్‌ జిల్లా కలెక్టర్‌ టీనా దాబి తలవంచి వెంటవెంటనే నమస్కారం చేశారు. ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది. ‘నవో బర్మేర్‌’ పేరుతో జిల్లాలో ఆధునిక పద్ధతుల్లో పారిశుధ్య కార్యక్రమాలు చేపడుతూ టీనా పేరు తెచ్చుకోవడం గమనార్హం.
సెల్‌ఫోన్‌లో మాట్లాడుతూ పునియా కారు దిగుతుండగానే ఆమె చేతులు జోడించి ఆయనకు నమస్కరించారు. ఆయన ఇంకా ఫోన్‌లో మాట్లాడుతుండగానే ఆమె తలవంచి నమస్కారాలు చేశారు. ‘థ్యాంక్యూ! బాగా పనిచేస్తున్నారు. పారిశుధ్య పనులు చేయిస్తున్నారు. చెత్తకుండీలు ఏర్పాటు చేస్తున్నారు’ అంటూ కొనియాడారు. ఈ వీడియో వైరల్‌గా మారడంతో నాయకుల పట్ల ఇంత విధేయత ప్రదర్శించాల్సిన అసవరం ఉందా అన్న చర్చ నడుస్తోంది.
Updated Date - Oct 26 , 2024 | 03:24 AM
