NRI News: ఛార్లెట్‌లో తానా ‘‘బ్యాక్‌ ప్యాక్‌’’ విజయవంతం
ABN, Publish Date - Aug 23 , 2024 | 06:55 PM
తానా ఆధ్వర్యలో బ్యాక్‌ ప్యాక్‌ కార్యక్రమాన్ని నిర్వహించారు. ఉత్తర అమెరికా తెలుగు సంఘం ప్రతి ఏటా బ్యాక్‌ప్యాక్‌ పేరుతో చిన్నారులకు స్కూల్‌ బ్యాగ్లను పంపిణీ చేస్తున్న విషయం తెలిసిందే. ఈ సందర్భంగా ఆగస్టు 22న ఛార్లెట్లోని క్లియర్‌ క్రీక్‌ ఎలిమెంటరీ స్కూల్లో సుమారు దాదాపు 300కు పైగా పిల్లలకు బ్యాగ్లను అందజేశారు.
ఇంటర్నెట్ డెస్క్: తానా (TANA) ఆధ్వర్యలో బ్యాక్‌ ప్యాక్‌ కార్యక్రమాన్ని నిర్వహించారు. ఉత్తర అమెరికా తెలుగు సంఘం ప్రతి ఏటా బ్యాక్‌ప్యాక్‌ పేరుతో చిన్నారులకు స్కూల్‌ బ్యాగ్లను పంపిణీ చేస్తున్న విషయం తెలిసిందే. ఈ సందర్భంగా ఆగస్టు 22న ఛార్లెట్లోని క్లియర్‌ క్రీక్‌ ఎలిమెంటరీ స్కూల్లో సుమారు దాదాపు 300కు పైగా పిల్లలకు బ్యాగ్లను అందజేశారు. బ్యాగులతో పాటూ క్రేయాన్స్‌, ఎరేజర్స్‌, పెన్సిల్‌, షార్పనర్స్‌, పెన్నులు తదితర వస్తువులను కూడా అందజేశారు. బ్రన్స్‌ ఎవెన్యూ ఎలిమెంటరీ స్కూల్లోని పిల్లలకు కూడా స్కూల్‌ బ్యాగ్లను అందజేశారు.
ఈ సందర్భంగా తానా సంఘం నాయకులు మాట్లాడుతూ తమను ఆదరించిన అమెరికాలోని కమ్యూనిటీకి తమవంతుగా సేవలందించాలన్న ఉద్దేశంతో బ్యాక్‌ ప్యాక్‌ కార్యక్రమాన్ని ఎన్నో సంవత్సరాలుగా నిర్వహిస్తున్నట్లు చెప్పారు.
స్కూల్‌ నిర్వాహకులు, టీచర్లు మాట్లాడుతూ తానా కమ్యూనిటీ చేస్తున్న సేవా కార్యక్రమాలను ప్రశంసించారు. తానా బ్యాక్‌ ప్యాక్‌ కింద తమ స్కూల్‌‌ను ఎంపిక చేసుకుని పిల్లలకు స్కూల్‌ బ్యాగ్లను పంపిణీ చేయడంపై స్థానిక తానా నాయకులకు ధన్యవాదాలు తెలియజేశారు. అదే విదంగా పిల్లల తల్లితండ్రులు కూడా తానాకు తమ అభినందనలు తెలియజేశారు.
ఈ కార్యక్రమంలో ఛార్లెట్లోని తానా నాయకులు తదితరులు పాల్గొన్నారు. తానా స్పోర్ట్స్‌ కో-ఆర్డినేటర్‌ నాగమల్లేశ్వర పంచుమర్తి, తానా ఇంటర్నేషనల్‌ కో-ఆర్డినేటర్‌ ఠాగూర్‌ మల్లినేని, తానా టీమ్‌ స్క్వేర్‌ చైర్మన్‌ కిరణ్‌ కొత్తపల్లి, పట్టాభి కంఠమనేని, రమణ అన్నే, సతీష్ నాగభైరవ, పార్ధ సారధి గునిచెట్టి పాల్గొన్నారు.
Updated Date - Aug 23 , 2024 | 06:56 PM
