Chandrababu: వరద ప్రభావిత ప్రాంతాల్లో చంద్రబాబు పర్యటన..
ABN, Publish Date - Sep 10 , 2024 | 11:22 AM
విజయవాడ: నగరంలోని వరద ప్రభావిత ప్రాంతాల్లో 9వ రోజు సీఎం చంద్రబాబు నాయుడు పర్యటించారు. బాధితులను కలసి వారితో మాట్లాడారు. వరద పరిస్థితులపై కలెక్టరేట్‌లో ఉన్నతాధికారులతో మాట్లాడిన అనంతరం వరద ప్రభావిత ప్రాంతాల పర్యటనకు బయలుదేరారు. భవానీపురం నుండి సితార సెంటర్ మీదుగా ఊర్మిళా నగర్ వెళ్లారు. అక్కడ జరుగుతున్న డ్రైనేజీ క్లీనింగ్ పనులను పరిశీలించారు. అనంతరం కబేళా సెంటర్‌లో స్థానిక మహిళలతో మాట్లాడారు. వరద ప్రభావంతో తాము అన్నీ కోల్పోయామని, తమకు ఉపాధి చూపించాలని మహిళలు సీఎంను కోరారు. ప్రతి ఒక్కరినీ ఆదుకుంటానని, ఉపాధి కల్పనకు అన్ని చర్యలు తీసుకుంటానని హామీ ఇచ్చారు.
విజయవాడ నగరంలోని వరద ప్రభావిత ప్రాంతాల్లో 9వ రోజు ముఖ్యమంత్రి చంద్రబాబు నాయుడు పర్యటించారు.
నేనున్నానంటూ వరద బాధితులకు భరోసా ఇస్తున్న ముఖ్యమంత్రి చంద్రబాబు నాయుడు.
వరద ప్రభావంతో తాము అన్నీ కోల్పోయామని, తమకు ఉపాధి చూపించాలని మహిళలు సీఎం చంద్రబాబును కోరారు.
సీఎం చంద్రబాబు నాయుడు వరద ప్రభావిత ప్రాంతాల్లో పర్యటిస్తూ.. చిన్నా పెద్దలతో మమేకమైన దృశ్యం...
ఎన్డీఆర్ఎఫ్ బృందంతో ముఖ్యమంత్రి నారా చంద్రబాబు నాయుడు..
మురికి కాలవలో సయితం నడుచుకుంటూ వెళుతున్న సీఎం చంద్రబాబు..
విజయవాడలోని వరద ప్రభావిత ప్రాంతాల్లో పర్యటిస్తూ బాధితుల సమస్యలను అడిగి తెలుసుకుంటున్న సీఎం చంద్రబాబు..
ముఖ్యమంత్రి చంద్రబాబు వైఎస్ఆర్ ఫ్లై ఓవర్ వద్దకు చేరుకొని అక్కడి పరిస్థితులను పరిశీలిస్తున్న దృశ్యం..
Updated Date - Sep 10 , 2024 | 11:22 AM
