Namrata Shirodkar: నేను మీకు పెద్ద ఫ్యాన్: నమ్రత..
ABN, Publish Date - Sep 23 , 2024 | 04:00 PM
బంగాళాఖాతంలో అల్పపీడనం కారణంగా కురిసిన భారీ వర్షాలకు రెండు తెలుగు రాష్ట్రాల ప్రజలు తీవ్రంగా నష్టపోయిన సంగతి తెలిసిందే. అయితే వారిని ఆదుకునేందుకు సినీ హిరో, సూపర్ స్టార్ మహేశ్ బాబు ముందుకు వచ్చారు. ఇప్పటికే ఆయన ఏపీ, తెలంగాణ రాష్ట్రాలకు చెరో రూ.50లక్షల చొప్పున ప్రకటించారు. ఈ మేరకు ఇవాళ(సోమవారం) తెలంగాణ సీఎం రేవంత్ రెడ్డిని కలిసి దానికి సంబంధించిన రూ.50లక్షల చెక్కును అందజేశారు.
తెలుగు రాష్ట్రాల వరద బాధితులను ఆదుకునేందుకు సూపర్ స్టార్ మహేశ్ బాబు ముందుకొచ్చారు.
ఇప్పటికే ఆయన ఆంధ్రప్రదేశ్, తెలంగాణ రాష్ట్రాలకు చెరో రూ.50లక్షల చొప్పున ప్రకటించారు.
ఈ మేరకు తెలంగాణ సీఎం రేవంత్ రెడ్డిని కలిసి విరాళానికి సంబంధించిన రూ.50లక్షల చెక్కును అందజేశారు.
అలాగే ఏఎంబీ మాల్ తరఫున మరో రూ.10లక్షల చెక్కును రేవంత్ రెడ్డికి మహేశ్ బాబు అందజేశారు.
జూబ్లీహిల్స్‌లోని సీఎం నివాసంలో రేవంత్ రెడ్డికి మహేశ్ బాబు, నమ్రత దంపతులు చెక్కులు అందజేశారు.
‘SSMB 29’ సినిమా కోసం మహేశ్ బాబు నయా లుక్ ఫొటోలు సోషల్ మీడియాలో వైరల్‌గా మారాయి.
ఈ సందర్భంగా సీఎం రేవంత్ రెడ్డి ఇంటి వద్ద మరో ఆసక్తికర సన్నివేశం చోటు చేసుకుంది.
రేవంత్ రెడ్డి నివాసం వద్దకు వచ్చిన మంత్రి సీతక్కను చూసి నమ్రత ఆమె వద్దకు వెళ్లారు.
నేను మీకు పెద్ద ఫ్యాన్ అంటూ మంత్రి సీతక్కకు నమ్రత చెప్పారు. ఆమెతో కలిసి ఫొటోలు దిగారు.
మంత్రి సీతక్క, నమ్రతకు సంబంధించిన ఫొటోలు సైతం సోషల్ మీడియాలో వైరల్‌గా మారాయి.
Updated Date - Sep 23 , 2024 | 04:11 PM
