Viral Video: తెలివంటే ఇదీ.. బైక్ ఇంజిన్, ఫ్యాన్‌తో వినూత్న వాహనం.. గాల్లోకి ఎగిరే చౌకైన విహంగం..

ABN , Publish Date - Sep 27 , 2024 | 12:08 PM

కొందరు కుర్రాళ్లు చిన్న వయసులోనే అద్భుత ప్రతిభను ప్రదర్శించి అందర్నీ ఆకట్టుకుంటారు. వినూత్న ఆలోచనతో సరికొత్త ఆవిష్కరణలు చేస్తుంటారు. బీహార్‌కు చెందిన ఓ కుర్రాడు తాజాగా అలాంటి ఆవిష్కరణే చేసి అందరినీ ఆశ్చర్యపరిచాడు. చాలా తక్కువ ఖర్చుతో గాల్లోకి ఎగిరే వాహనాన్ని తయారు చేశాడు.

Viral Video: తెలివంటే ఇదీ.. బైక్ ఇంజిన్, ఫ్యాన్‌తో వినూత్న వాహనం.. గాల్లోకి ఎగిరే చౌకైన విహంగం..

Bihar boy made a glider

కొందరు కుర్రాళ్లు చిన్న వయసులోనే అద్భుత ప్రతిభను (Talent) ప్రదర్శించి అందర్నీ ఆకట్టుకుంటారు. వినూత్న ఆలోచనతో సరికొత్త ఆవిష్కరణలు చేస్తుంటారు. బీహార్‌ (Bihar)కు చెందిన ఓ కుర్రాడు తాజాగా అలాంటి ఆవిష్కరణే (Innovation) చేసి అందరినీ ఆశ్చర్యపరిచాడు. చాలా తక్కువ ఖర్చుతో గాల్లోకి ఎగిరే వాహనాన్ని తయారు చేశాడు. అతను తయారు చేసిన హ్యాండ్ గ్లైడర్ (Glider) వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు షాక్ అవుతున్నారు (Viral Video).

jiteshkumar8134 అనే ఇన్‌స్టాగ్రామ్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోలో బీహార్‌కు చెందిన ఓ బాలుడు తయారు చేసిన హ్యాండ్ గ్లైడర్‌ను చూపించారు. ఆ గ్లైడర్ వాహనానికి ముందు ఓ హ్యాండిల్, వెనుక ఓ సీటు ఉంది. ఆ సీటు వెనుక గ్లైడర్ ఇంజన్ ఉంది. దాని వెనుక ఒక ఫ్యాన్‌ను అమర్చారు. ఆ గ్లైడర్‌కు పైన వస్త్రంతో చేసిన పెద్ద రెక్కలు ఉన్నాయి. ఆ గ్లైడర్ ముందుకు వెళ్లడాన్ని ఆ వీడియోలో చూపించారు. అయితే వీడియో చిత్రీకరించిన సమయంలో గాలి ఎక్కువగా ఉండడంతో గ్లైడర్ గాల్లోకి ఎగరలేదని చెబుతున్నారు. మరి, ఆ వాహనం గాల్లోకి ఎగరగలదా, లేదా అనే విషయంలో పూర్తి క్లారిటీ లేదు.

సుమారు రూ.1.5 లక్షలతో ఈ గ్లైడర్‌ను సిద్ధం చేశామని, ఇందులో బైక్‌ ఇంజన్‌ను వినియోగించామని ఆ కుర్రాడు చెప్పాడు. ఈ జుగాడ్ వీడియో సోషల్ మీడియాలో వైరల్‌గా మారింది. ఈ వీడియోకు లక్షల్లో వ్యూస్, వేలల్లో లైక్స్ వచ్చాయి. ఈ వీడియో చూసిన నెటిజన్లు తమ స్పందనలను తెలియజేశారు. ``ఇది నిజంగా గాల్లోకి ఎగురుతుందా``, ``చాలా విచిత్రంగా ఉంది``, ``దీనిని నమ్మి గాల్లోకి ఎగిరితే పరిస్థితి ఏంటి`` అంటూ నెటిజన్లు కామెంట్లు చేశారు.