Viral News: నీ ఐడియాకు హ్యాట్సాఫ్ బాస్.. గాల్లో ఎగరాల్సిన విమానాన్ని నేలపై ఇలా..!!
ABN, Publish Date - Feb 18 , 2024 | 12:32 PM
విమానం గాల్లో ఎగురుతుంది. విల్లా భూమిపై ఉంటుంది. మాకు ఆ మాత్రం తెలియదా అంటారా.. అయితే కాస్త మీ అభిప్రాయాన్ని మార్చుకోవాల్సిన సమయం వచ్చిందనే విషయాన్ని మాత్రం అస్సలు మర్చిపోకండి.
విమానం గాల్లో ఎగురుతుంది. విల్లా భూమిపై ఉంటుంది. మాకు ఆ మాత్రం తెలియదా అంటారా.. అయితే కాస్త మీ అభిప్రాయాన్ని మార్చుకోవాల్సిన సమయం వచ్చిందనే విషయాన్ని మాత్రం అస్సలు మర్చిపోకండి. ఓ వ్యక్తి చేసిన పని తెలిస్తే మీరు కచ్చితంగా అవుననే అంటారు. ఇంతకీ అతను ఏం చేశాడో చెప్పండయ్యా ముందు అంటారా.. అయితే ఇక లేటెందుకు.. అసలు విషయంలోకి వెళ్తే.. సోషల్ మీడియాలో ఓ వీడియో వైరల్ అవుతోంది. అందులో ఓ వ్యక్తి విమానాన్ని ఏకంగా విల్లాగా మార్చుకున్నాడు. అన్ని రకాల సౌకర్యాలు ఏర్పాటు చేసుకున్నాడు. విలాసవంతమైన సకల సదుపాయాలు అమర్చుకున్నాడు. ఈ వివరాలన్నింటిని వివరిస్తూ వీడియో తీశాడు. ఆ క్లిప్ ను సోషల్ మీడియాలో పోస్ట్ చేశాడు. అంతే అది క్షణాల్లో వైరల్ గా మారింది. అది ఇంటర్నెట్ లో చక్కర్లు కొడుతూ ఆనంద్ మహీంద్రా వద్దకు చేరింది.
ఇక ఆనంద్ మహీంద్రా గురించి మనందరికీ తెలిసిందే. సోషల్ మీడియాలో ఎంతో యాక్టీవ్ గా ఉండే ఆయన.. రకరకాల వీడియోలను ట్వీట్ చేస్తుంటారు. ఈక్రమంలోనే విమానాన్ని విల్లాగా మార్చుకున్న వీడియో ఆయనను ఆకర్షించింది. కొంతమంది ఔత్సాహికులు తమ కోరికలు తీర్చుకోవాలనుకుంటారు. కానీ అది అందరికీ సాధ్యం కాదు. అలాంటి వారు చాలా తక్కువ మందే అంటారు. వారు చాలా అదృష్టవంతులు. నేను ఇక్కడ వసతి చేసేందుకు తప్పకుండా ప్రయత్నిస్తాను అని వీడియోకు క్యాప్షన్ ఇచ్చారు.
ఈ వీడియోకు ఇప్పటివరకు 4.5 లక్షలకు పైగా వ్యూస్, 5 వేలకు పైగా లైక్స్ వచ్చాయి. అంతే కాకుండా వీడియో చూసిన నెటిజన్లు తమ అభిప్రాయాలను కామెంట్ల రూపంలో రాస్తున్నారు.
మరిన్ని ప్రత్యేకం వార్తల కోసం ఈ లింక్ క్లిక్ చేయండి.
Updated Date - Feb 18 , 2024 | 12:32 PM
