Viral Video: ప్రపంచంలోనే అత్యంత ఎత్తైన భవనం ఎక్కిన యువకుడు.. వీడియో మూమూలుగా లేదుగా..
ABN, Publish Date - Nov 04 , 2024 | 04:09 PM
మిస్టర్ బీస్ట్ అని పిలవబడే యూట్యూబర్ జిమ్మీ డొనాల్డ్ సన్ చేసిన సాహనం అందరినీ ఆశ్చర్యానికి గురి చేస్తోంది. సాహసం చేయడంలో అతను మరో స్థాయికి చేరాడని చెప్పుకోవాల్సిందే. ప్రపంచంలోనే ఎత్తైన భవనం దుబాయ్‌లోని బుర్జ్ ఖలీఫా.
ఇంటర్నెట్ డెస్క్: సాధారణంగా చాలా మంది ఎత్తైన ప్రదేశాలు అంటే చాలా భయపడతారు. ఎత్తైన భవనాలు ఎక్కాలన్నా లేదా కొండల చివరి ప్రాంతాలకు వెళ్లాలన్నా వణికిపోతారు. అలాంటి వారితో సరదాగా బయటకు వెళ్తే నవ్వులే నవ్వులు. అయితే మీరెప్పుడైనా ఎత్తైన భవనాలు ఎక్కారా? ఒకవేళ ఎక్కి ఉంటే అక్కడి నుంచి కిందకు చూశారా?. చాలా మందికి భయం వేసి ఉంటుంది కదూ.. అయితే ఓ యూట్యూబర్ చేసిన పని అందరినీ ఆశ్చర్యానికి గురి చేస్తోంది. ప్రపంచంలోనే ఎత్తైన భవనం ఎక్కి అతను చేసి స్టంట్ సోషల్ మీడియాలో తెగ వైరల్‌గా మారింది.
మిస్టర్ బీస్ట్ అని పిలవబడే యూట్యూబర్ జిమ్మీ డొనాల్డ్ సన్ చేసిన సాహనం అందరినీ ఆశ్చర్యానికి గురి చేస్తోంది. సాహసం చేయడంలో అతను మరో స్థాయికి చేరాడని చెప్పుకోవాల్సిందే. ప్రపంచంలోనే ఎత్తైన భవనం దుబాయ్‌లోని బుర్జ్ ఖలీఫా. మిస్టర్ బీస్ట్ ఈ భవనం చివరి అంచునకు చేరుకున్నాడు. జిమ్మీ డొనాల్డ్ సన్ తాను బుర్జ్ ఖలీఫా అధిరోహించిన కొన్ని క్షణాల వీడియోను ఇన్‌స్టాగ్రామ్‌లో పంచుకున్నాడు. ఇది వైరల్ కావడంతో ఏకంగా 41 మిలియన్ల వ్యూస్ సొంతం చేసుకుంది. అలాగే 17 నిమిషాల పూర్తి వీడియోను తన యూట్యూబ్ ఛానెల్‌లో పెట్టాడు. ఇది కాస్త 49 మిలియన్ల వ్యూస్‌తో దూసుకుపోతోంది.
అయితే ఈ వీడియోలో బుర్జ్ ఖలీఫాపై కంటెంట్ క్రియేటర్ మిస్టర్ బీస్ట్ కనిపించాడు. ఆ క్షణంలో అతను అనుభవించిన ఫీలింగ్స్‌ను వీక్షకులతో పంచుకున్నాడు. “నేను సాధించాను. ప్రపంచంలోనే అత్యంత ఎత్తైన భవనంపై నేను నిలబడి ఉన్నాను. ఇది చాలా భయంకరంగా ఉంది. నేను కిందికి చూడకూడదు, చూస్తే భయానకంగా అనిపిస్తోంది" అంటూ టెన్షన్ పడుతూ చెప్పాడు. అతను చేసిన స్టంట్ చూసిన వీక్షకులకు సైతం రోమాలు నిక్కపొడుచుకున్నాయి. ఈ సందర్భంగా నెటిజన్లు తమ అభిప్రాయాలను కామెంట్ల రూపంలో వ్యక్త పరిచారు.
"అతను సాధించాడు, ఇలాంటి వీడియో చేయడానికి చాలా ధైర్యం కావాలి, నిజంగా అతని ప్లేసులో నేను ఉంటే అంతే సంగతులు, మిస్టర్ బీస్ట్ భయంతోనే ఆ వీడియో రికార్డ్ చేశాడు, నిజంగా ఇది ఘోరంగా ఉంది, మిస్టర్ బీస్ట్ చరిత్ర సృష్టించాడు, వీడియోల కోసం మరీ ఇంతకు తెగించాలా" అంటూ నెటిజన్లు వివిధ రకాలుగా కామెంట్లు పెడుతున్నారు.
ఈ వార్తలు కూడా చదవండి:
Viral: వార్నీ.. ఐరన్ బాక్స్‌ను ఇలా కూడా ఉపయోగించవచ్చా? ఆ వ్యక్తి తెలివికి ఫిదా కావాల్సిందే..
Updated Date - Nov 04 , 2024 | 04:45 PM
