IPL 2024: విరాట్ కోహ్లీ కొత్త హెయిర్‌స్టైల్ సూపర్.. నెట్టింట ఫోటోలు చక్కర్లు!
ABN, Publish Date - Mar 19 , 2024 | 08:06 PM
ఎంతో ఆసక్తిగా ఎదురుచూస్తున్న IPL 2024 సీజన్‌కు ముందు విరాట్ కోహ్లీ కొత్త లుక్ సోషల్ మీడియాలో వైరల్‌గా మారింది. ఇది రాయల్ ఛాలెంజర్స్ బెంగళూరు అభిమానులలో ఉత్సాహాన్ని నింపింది. వైరల్ అయిన ఫోటోల్లో కొత్త హెయిర్ స్టైల్‌తో కోహ్లీ ఆకట్టుకుంటున్నాడు.
ఎంతో ఆసక్తిగా ఎదురుచూస్తున్న IPL 2024 సీజన్‌కు ముందు విరాట్ కోహ్లీ కొత్త లుక్ సోషల్ మీడియాలో వైరల్‌గా మారింది. ఇది రాయల్ ఛాలెంజర్స్ బెంగళూరు అభిమానులలో ఉత్సాహాన్ని నింపింది. వైరల్ అయిన ఫోటోల్లో కొత్త హెయిర్ స్టైల్‌తో కోహ్లీ ఆకట్టుకుంటున్నాడు. దీంతో సిరీస్‌లు, టోర్నీల ప్రారంభానికి ముందు కొత్త మేకోవర్‌తో కనిపించే సాంప్రదాయాన్ని కోహ్లీ కొనసాగిస్తున్నాడు. ఎప్పటికిప్పుడు కొత్త హెయిర్ స్టైల్‌తో కోహ్లీ అభిమానులను ఆకట్టుకుంటూ ఉంటాడు. ప్రముఖ హెయిర్ స్టైలిస్ట్ ఆలిమ్ హకీమ్ కోహ్లీకి ఈ కొత్త హెయిర్ స్టైల్ చేశాడు. ఇందుకు సంబంధించిన ఫోటోలను ఆలిమ్ హకీమ్ సోషల్ మీడియాలో షేర్ చేయగా నెట్టింట ట్రెండింగ్‌గా మారింది. నూతన హెయిర్ స్టైల్‌లో కోహ్లీ కుడి కన్ను బొమ్మపై ఉన్న లుక్ కూడా ఆకట్టుకుంటోంది. త్వరలో ప్రారంభంకానున్న ఐపీఎల్‌లో విరాట్ కోహ్లీ హెయిర్ స్టైలును అభిమానులు అనుకరించడం ఖాయమనే చెప్పుకోవాలి.
భార్య అనుష్క శర్మ ప్రసవం కారణంగా జనవరి నుంచి విరాట్ కోహ్లీ క్రికెట్‌కు దూరంగా ఉన్న సంగతి తెలిసిందే. రెండు నెలల విరామం అనంతరం కింగ్ కోహ్లీ మళ్లీ బ్యాట్ పట్టనున్నాడు. గత ఐపీఎల్ 2023లో అదరగొట్టిన కోహ్లీ 14 మ్యాచ్‌ల్లో 639 పరుగులు చేశాడు. కింగ్ కోహ్లీ వంటి టాప్ బ్యాటర్ జట్టులో ఉన్నప్పటికీ రాయల్ చాలెంజర్స్ బెంగళూరు ఇప్పటివరకు ఒకసారి కూడా టైటిల్ గెలవకపోవడం గమనార్హం. దీంతో ఈ సారి ట్రోఫీ గెలిచి 17 ఏళ్ల నిరీక్షణకు తెరదించాలని ఆర్సీబీ భావిస్తోంది. కాగా ఈ సీజన్‌లో ఆర్సీబీ మహిళల జట్టు టైటిల్ గెలవడం శుభ పరిణామంగా చెప్పుకోవచ్చు.
మరిన్ని క్రీడా వార్తల కోసం ఇక్కడ క్లిక్ చేయండి.
Updated Date - Mar 19 , 2024 | 08:09 PM
