India vs Bangladesh: ఇండియా, బంగ్లాదేశ్ నాలుగో రోజు ఆట షురూ.. భారత్ విజయానికి ఇంకా..

భారత్(team india), బంగ్లాదేశ్(Bangladesh) మధ్య జరుగుతున్న మొదటి టెస్ట్ మ్యాచ్ ఈరోజు నాలుగో రోజు కొనసాగుతుంది. మూడో రోజు ఆట ముగిసే సమయానికి భారత జట్టు మ్యాచ్‌పై ఆధిపత్యం కొనసాగించింది. మూడో రోజు టీమ్‌ఇండియా 4 వికెట్లు పడగొట్టింది. ఇందులో ఆర్ అశ్విన్ మూడు వికెట్లు తీశాడు. దీంతో బంగ్లాదేశ్ జట్టు కష్టాల్లో ఉన్నట్లు కనిపిస్తోంది. రెండో ఇన్నింగ్స్‌లో టీమిండియా 287 పరుగులు చేసింది. ఆ తర్వాత భారత్ 500 పరుగులకు పైగా ఆధిక్యంలో నిలిచింది. రెండో ఇన్నింగ్స్‌లో బ్యాటింగ్‌కు దిగిన భారత్‌లో రిషబ్ పంత్, శుభ్‌మన్ గిల్ సెంచరీలు చేశారు.

బంగ్లాదేశ్‌ శుభారంభం

ఇక నేడు నాలుగో రోజు బంగ్లాదేశ్ శుభారంభం చేసింది. నాలుగో రోజు ఆట మొదలైన కొద్ది సేపటికి బంగ్లాదేశ్ జట్టు వికెట్ కోల్పోయింది. భారత జట్టు మంచి బౌలింగ్‌ చేస్తోంది. భారత ఫాస్ట్ బౌలర్లు నజ్ముల్ శాంటో, షకీబ్ అల్ హసన్‌లను కట్టడి చేస్తున్నారు. బంగ్లాదేశ్ ప్రస్తుతం 5 వికెట్లు కోల్పోయి 195 పరుగులు చేసింది. క్రీజులో లిట్టన్ దాస్, నజ్ముల్ హుస్సేన్ శాంటో ఉన్నారు. బంగ్లాదేశ్‌ విజయానికి ఇంకా 320 పరుగులు అవసరం కాగా, భారత్ విజయానికి ఐదు వికెట్లు కావాలి. బంగ్లాదేశ్‌కు భారత్ 515 పరుగుల లక్ష్యాన్ని నిర్దేశించగా, బంగ్లాదేశ్ జట్టు మూడో రోజు ఆట ముగిసే సమయానికి నాలుగు వికెట్ల నష్టానికి 158 పరుగులు చేసింది.

వర్షం

ఆర్ అశ్విన్ నాలుగో రోజు మళ్లీ అదరగొట్టాడు. షకీబ్ అల్ హసన్‌ను ఔట్ చేసి బంగ్లాదేశ్‌కు షాక్ ఇచ్చాడు. 25 పరుగుల వద్ద షకీబ్ అవుటయ్యాడు. అశ్విన్‌కి ఇది నాలుగో వికెట్‌. ప్రస్తుతం భారత జట్టు బౌలర్లు వికెట్ల అన్వేషణలో ఉన్నారు. కానీ చెన్నైలోని ఎంఏ చిదంబరం స్టేడియంలో నాలుగో రోజు ఆటపై వర్షం సూచనలు ఉన్నాయి. ఈరోజు చెన్నైలో దట్టమైన మేఘాలు కమ్ముకున్నాయని, మ్యాచ్ జరుగుతున్న సమయంలో కూడా వర్షం కురిసే అవకాశం ఉందని వాతావరణ శాఖ తెలిపింది. ఈ నేపథ్యంలో మ్యాచ్ కొనసాగుతుందా లేదా ఓవర్లను కుదురిస్తారా లేదా అనేది చూడాలి.

ఇవి కూడా చదవండి:

Money Saving Tips: రోజు కేవలం రూ. 100 ఆదా చేయడంతో కోటీశ్వరులు కావచ్చు.. ఎలాగంటే

Stock Market: నాలుగున్నరేళ్లలో లక్షను రూ.29 లక్షలు చేసిన స్టాక్.. ఏకంగా 2818 శాతం గ్రోత్

Personal Loans: లోన్ యాప్స్ నుంచి రుణం తీసుకుంటున్నారా.. ఈ 4 తప్పులు అస్సలు చేయోద్దు

Read Latest Sports News and Telugu News