Womens T20 World Cup 2024: రేపే టీమిండియా ఉమెన్స్ ఫస్ట్ మ్యాచ్.. ఇలా ఫ్రీగా వీక్షించండి..
ABN, Publish Date - Oct 03 , 2024 | 08:57 PM
ICC మహిళల T20 ప్రపంచ కప్ ఈరోజు (అక్టోబర్ 3) నుంచి దుబాయ్ వేదికగా ప్రారంభమైంది. ఈ నేపథ్యంలోనే రేపు (అక్టోబర్ 4న) న్యూజిలాండ్‌తో టీమ్ ఇండియా తన తొలి మ్యాచ్ ఆడనుంది. అయితే ఈ మ్యాచ్ ఎప్పటి నుంచి మొదలవుతుంది. ఎక్కడ వీక్షించాలనే విషయాలను తెలుసుకుందాం.
ఐసీసీ మహిళల T20 ప్రపంచ కప్ 2024 (ICC Womens T20 World Cup 2024) ఈసారి UAEలో నిర్వహిస్తున్నారు. ఈటోర్నీ నేటి (అక్టోబర్ 3) నుంచి ప్రారంభమైంది. ఈ క్రమంలో టీమిండియా(team india) తొలి మ్యాచ్ న్యూజిలాండ్‌తో రేపు ఆడనుంది. ఈ మ్యాచ్‌కు ముందు టీమ్ ఇండియా అద్భుతమైన ఫామ్‌లో ఉంది. వార్మప్ మ్యాచ్‌లో 2016 ఛాంపియన్ టీమ్ వెస్టిండీస్‌ను ఓడించింది. దీంతో పాటు దక్షిణాఫ్రికాతో జరిగిన మ్యాచ్‌లో 28 పరుగుల తేడాతో విజయం సాధించింది. దీంతో మొదటి మ్యాచ్‌లోనే విజయం సాధించి శుభారంభం చేయాలని టీమ్ ఇండియా భావిస్తోంది. భారత మహిళల జట్టు ఇప్పటి వరకు ఒక్క ప్రపంచకప్‌ టైటిల్‌ కూడా గెలవలేదు.
ఎప్పుడు సమయం
ఇలాంటి పరిస్థితుల్లో ఈసారి ఎలాగైనా ప్రపంచకప్‌ గెలవాలని టీమిండియా ధీమాతో ఉంది. అయితే ఈ మ్యాచ్ ఎప్పటి నుంచి మొదలవుతుంది. ఎక్కడ వీక్షించాలనే విషయాలను ఇప్పుడు చుద్దాం. మహిళల టీ20 ప్రపంచకప్‌లో భారత్, న్యూజిలాండ్ మధ్య అక్టోబర్ 4 శుక్రవారం జరగనుంది. ఈ మ్యాచ్ భారత కాలమానం ప్రకారం రాత్రి 7:30 గంటలకు దుబాయ్‌లోని దుబాయ్ ఇంటర్నేషనల్ క్రికెట్ స్టేడియంలో మ్యాచ్ మొదలుకానుంది.
ఇక్కడ ప్రత్యక్ష ప్రసారం
మీరు ఈ మ్యాచ్‌ని స్టార్ స్పోర్ట్స్‌లో వీక్షించవచ్చు. ఈ మ్యాచ్ ప్రత్యక్ష ప్రసారం Disney + Hotstarలో వస్తుంది. మీరు ఈ మ్యాచ్‌ని Disney + Hotstarలో ఉచితంగా వీక్షించవచ్చు. దీని కోసం మీకు ఎలాంటి సబ్‌స్క్రిప్షన్ అవసరం లేదు.
మహిళల T20 ప్రపంచ కప్ జట్లు
టీమిండియా జట్టులో హర్మన్‌ప్రీత్ కౌర్ (కెప్టెన్), స్మృతి మంధాన, షెఫాలీ వర్మ, దీప్తి శర్మ, జెమిమా రోడ్రిగ్స్, రిచా ఘోష్, యాస్తికా భాటియా, పూజా వస్త్రాకర్, అరుంధతి రెడ్డి, రేణుకా సింగ్ ఠాకూర్, దయాళన్ హేమలత, ఆశా శోభన, రాధా యాదవ్, సాజ్నాస పట్జే, శ్రేయాంక పట్జే ఉన్నారు.
న్యూజిలాండ్ జట్టులో సోఫీ డివైన్ (కెప్టెన్), సుజీ బేట్స్, ఈడెన్ కార్సన్, ఇజ్జీ గేజ్, మ్యాడీ గ్రీన్, బ్రూక్ హాలిడే, ఫ్రాన్ జోనాస్, లీ కాస్పెరెక్, మెల్లీ కెర్, జెస్ కెర్, రోజ్మేరీ మెయిర్, మోలీ పెన్ఫోల్డ్, జార్జియా ప్లిమ్మర్, హన్నా రోవ్, లీ తాహు కలరు.
ఇవి కూడా చదవండి:
AI Investments: ఏఐ పెట్టుబడులు వృథా..ఎంఐటీ ఆర్థికవేత్త సంచలన వ్యాఖ్యలు
IRCTC: పండుగల సందర్భంగా స్పెషల్ టూర్ ప్యాకేజీ.. తక్కువ ధరకే ప్రసిద్ధ ఆలయాల సందర్శన
Loans: గూగుల్ పే నుంచి క్షణాల్లోనే రూ. 50 లక్షల లోన్స్
SIP Investment: చిరు ఉద్యోగస్తులకు గుడ్‌ న్యూస్.. రూ.99 నుంచే మ్యూచువల్ ఫండ్ పెట్టుబడులు
Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి
Read More Business News and Latest Telugu News
Updated Date - Oct 03 , 2024 | 09:01 PM
