Chukka Ramaiah: ఘనంగా చుక్కా రామయ్య 98వ జన్మదినోత్సవం
ABN, Publish Date - Nov 21 , 2024 | 05:07 AM
తెలుగునేలపై విద్యారంగ వికాసానికి చుక్కాని మన లెక్కల మాస్టారు చుక్కా రామయ్య 98వ పుట్టిన రోజు వేడుకలు ఘనంగా జరిగాయి. బుధవారం నల్లకుంట, విద్యానగర్‌లోని ఆయన స్వగృహానికి వచ్చిన ప్రముఖులు రామయ్యకు శుభాకాంక్షలు తెలిపారు.
కేక్‌ కట్‌ చేయించిన సీఎస్‌ శాంతికుమారి
హైదరాబాద్‌ సిటీ, హైదరాబాద్‌, నవంబరు 20 (ఆంధ్రజ్యోతి): తెలుగునేలపై విద్యారంగ వికాసానికి చుక్కాని మన లెక్కల మాస్టారు చుక్కా రామయ్య 98వ పుట్టిన రోజు వేడుకలు ఘనంగా జరిగాయి. బుధవారం నల్లకుంట, విద్యానగర్‌లోని ఆయన స్వగృహానికి వచ్చిన ప్రముఖులు రామయ్యకు శుభాకాంక్షలు తెలిపారు. ఈ సందర్భంగా తెలంగాణ ప్రధాన కార్యదర్శి శాంతికుమారి చుక్కా రామయ్యను శాలువాతో సత్కరించారు. పూలమొక్కను అందజేసి, రామయ్యతో కేకు కట్‌ చేయించారు.
కాంగ్రెస్‌ నేత జానారెడ్డి, జస్టిస్‌ సుదర్శన్‌ రెడ్డి, విద్యాశాఖ ముఖ్యకార్యదర్శి బుర్రా వెంకటేశం, సీనియర్‌ జర్నలిస్టు కె.రామచంద్రమూర్తి, ఎర్రబెల్లి దయాకర్‌రావు, కోదండరాం, హరగోపాల్‌ తదితరులు చుక్కా రామయ్యకు జన్మదిన శుభాకాంక్షలు తెలిపారు. కాగా, ఉమ్మడి ఖమ్మం జిల్లాలోని 50 జూనియర్‌ కళాశాలల్లో విద్యారంగంపై రామయ్య రాసిన పుస్తకాలను పునరావిష్కరించినట్లు ప్రభుత్వ జూనియర్‌ కళాశాలల ప్రిన్సిపాళ్ల సంఘం నేత కె.ఎ్‌స.రామారావు తెలిపారు.
Updated Date - Nov 21 , 2024 | 05:07 AM
