Hyderabad: వియత్నాంకు విస్తరించిన ‘గీతం’ అధ్యాపకుడి సేవలు
ABN, Publish Date - Nov 13 , 2024 | 10:21 AM
ఇంతవరకు పరిశోధనలు చేపట్టడానికి విదేశాలకు వెళ్తున్న గీతం డీమ్డ్‌ విశ్వవిద్యాలయం(Geetam Deemed University) అధ్యాపకులు ఇప్పుడు తమ వృత్తి నైపుణ్యాన్ని విదేశీ విద్యార్థులతో కూడా పంచుకుంటున్నారు.
- హోచిమిన్‌ సిటీలోని వియెన్‌ డాంగ్‌ కళాశాలలో రెండు వారాల పాటు ఆతిథ్య ఉపన్యాసాలు
పటాన్‌చెరు(హైదరాబాద్): ఇంతవరకు పరిశోధనలు చేపట్టడానికి విదేశాలకు వెళ్తున్న గీతం డీమ్డ్‌ విశ్వవిద్యాలయం(Geetam Deemed University) అధ్యాపకులు ఇప్పుడు తమ వృత్తి నైపుణ్యాన్ని విదేశీ విద్యార్థులతో కూడా పంచుకుంటున్నారు. గీతం స్కూల్‌ ఆఫ్‌ టెక్నాలజీ, హైదరాబాద్‌లోని సీఎస్ఈ విభా గం అసోసియేట్‌ ప్రొఫెసర్‌ డాక్టర్‌ నిరంజన్‌ అప్పస్వామి కృత్రిమ మేథ (ఏఐ)పై ఈనెల 10 నుంచి 24వ తేదీవరకు ఆతిథ్య ఉపన్యాసాలు ఇవ్వడానికి వియత్నాం హోచిమిన్‌ సిటీలోని వియెన్‌ డాంగ్‌ కళాశాలకు బయలుదేరి వెళ్లారు. అధ్యాపక వృత్తిలో 25 ఏళ్ల బోధనానుభవం గడించిన నిరంజన్‌ గతంలో నవంబరు 2022, 2023 రెండు విద్యా సంవత్సరాల్లో రెండువారాల పాటు వియెన్‌ డాంగ్‌ కళాశాల విద్యార్థులకు జావా, ఫ్లట్టర్‌లో ప్రయోగాత్మక శిక్షణ ఇచ్చారు.
ఈ వార్తను కూడా చదవండి: Hydenabad: ఇక్కడ 365 రోజులూ ఇంతే!
విద్యాపరమైన సహకారాన్ని పెంపొందించడం, మెరుగుపరచడంలో ఆయన నిబద్ధత, నైపుణ్యాలు వియత్నాం విద్యార్థులపై ప్రభావం చూపాయి. తన బోధనా బాధ్యతలతో పాటు, డాక్టర్‌ నిరంజన్‌ సైబర్‌ సెక్యూరిటీపై చేపట్టిన పరిశోధనా ప్రాజెక్టులో నిమగ్నమై ఉన్నారు. ఈ క్లిష్టమైన రంగంలో జ్ఞానాన్ని పెంపొందించడంలో అంకితభావాన్ని ప్రదర్శిస్తున్నారు. సైబర్‌ సెక్యూరిటీ, మెషిన్‌ లెర్నింగ్‌లో పీహెచ్‌డీని కలిగి ఉన్న ఆయన 21 పాఠ్య పుస్తకాలను రచించారు.
ఐ ట్రిపుల్‌ ఈ సీనియర్‌ సభ్యుడిగా, 2024 ఐ ట్రిపుల్‌ ఈ కంప్యూటర్‌ సొసైటీ బెంగళూరు విభాగం కార్యనిర్వాహక సభ్యుడిగా డాక్టర్‌ నిరంజన్‌ సాంకేతిక పురోగతి, సైబర్‌ సెక్యూరిటీపై అవగాహనను పెంపొందించడంలో కీలక భూమిక పోషిస్తున్నారు. అదే చాప్టర్‌లో సైబర్‌ సెక్యూరిటీ స్పెషల్‌ టెక్నికల్‌ కమ్యూనిటీకి కార్యదర్శిగా కూడా పనిచేస్తున్నారు. నిరంజన్‌ బహుముఖ నైపుణ్యాలు విద్యారంగానికి మించి విస్తరించాయి.
పోరెట్రయిట్‌, నేచర్‌ ఫొటోగ్రఫీ అంటే మక్కువ చూపడంతో పాటు బలమైన నెట్‌ వర్కింగ్‌ సామర్థ్యాలు, సానుకూలతలు ఆయన బోధన, పరిశోధనా కార్యక్రమాలకు మరింత శోభనిస్తున్నాయి. బహుముఖ ప్రజ్ఞతో కూడిన ఆయన అభిరుచి అంతర్జాతీయ విద్యార్థులకు అత్యాధునిక సాం కేతికతలకు పరిచయం చేయడమేగాక వారిని అనుసంధానించడానికి కూడా తోడ్పడుతోంది.
Updated Date - Nov 13 , 2024 | 10:21 AM
