Maganti Gopinath: రేవంత్ అహంకారపు మాటలు మాట్లాడుతున్నాడు
ABN, Publish Date - Jan 20 , 2024 | 09:45 PM
సీఎం రేవంత్‌రెడ్డి ( CM Revanth Reddy ) అహంకారపు మాటలు మాట్లాడుతున్నాడని.. ముఖ్యమంత్రిగా అలాంటి మాటలు సరికాదని ఎమ్మెల్యే మాగంటి గోపీనాథ్ ( Maganti Gopinath ) అన్నారు.
హైదరాబాద్: సీఎం రేవంత్‌రెడ్డి ( CM Revanth Reddy ) అహంకారపు మాటలు మాట్లాడుతున్నాడని.. ముఖ్యమంత్రిగా అలాంటి మాటలు సరికాదని ఎమ్మెల్యే మాగంటి గోపీనాథ్ ( Maganti Gopinath ) అన్నారు. శనివారం నాడు తెలంగాణ భవన్‌లో ఆయన మీడియాతో మాట్లాడుతూ... బీఆర్ఎస్‌ని బొంద పెట్టడం ఎవరితరం కాదన్నారు. కారు పాతాళంలోకి పోతుందా...రేవంత్ పాతాళంలోకి పోతాడా అన్నది వచ్చే ఎన్నికల్లో తెలుస్తుందన్నారు. అసెంబ్లీ ఎన్నికల్లో సిటీ ప్రజలు బీఆర్ఎస్‌కు అండగా నిలిచారని చెప్పారు. అభివృద్ధి, సంక్షేమం చూసి ప్రజలు తీర్పు ఇచ్చారని తెలిపారు. ఏ కార్యకర్తకు ఇబ్బంది కలిగినా అండగా ఉంటామన్నారు. వంద రోజులు ఆగుదామంటే కాంగ్రెస్ నేతలే తొందర పడుతున్నారన్నారు. మొదటి సారి తెలంగాణ భవన్‌లో సమీక్షలు జరుగుతున్నాయని.. చాలా సంతోషకరంగా ఉందన్నారు. పథకాలు అమలు చేయకపోతే ప్రజలు ఊరుకోరని హెచ్చరించారు. బీఆర్ఎస్ ప్రభుత్వ హయాంలో పేదలను లైన్లలో నిలబెట్టలేదని. ఇప్పుడు కాంగ్రెస్ ప్రభుత్వంలో ఆ పరిస్థితి కలిపిస్తున్నారని చెప్పారు. సికింద్రాబాద్ పార్లమెంట్‌లో ఫస్ట్ ప్లేస్‌లో బీఆర్ఎస్, సెకెండ్ ప్లేస్ కాంగ్రెస్ ఉంటుందని ఎమ్మెల్యే మాగంటి గోపీనాథ్ పేర్కొన్నారు.
Updated Date - Jan 20 , 2024 | 11:08 PM
