Kaleshwaram: మేడిగడ్డ బ్యారేజీ అధికారుల్లో గుబులు
ABN, Publish Date - May 20 , 2024 | 03:11 AM
కాళేశ్వరం ప్రాజెక్టు ఇంజనీరింగ్‌ అధికారుల్లో కలవరం మొదలైంది. భూపాలపల్లి జిల్లాలోని మేడిగడ్డ బ్యారేజీ కుంగుబాటుకు బాధ్యులపై, పనులు పూర్తికాకముందే సర్టిఫికెట్‌ జారీ చేసిన ఇంజనీరింగ్‌ అధికారిపై చర్యలు ఎందుకు తీసుకోవడం లేదని సీఎం రేవంత్‌ రెడ్డి ఉన్నతాధికారులను ప్రశ్నించడం చర్చనీయాంశమైంది. ఈ విషయాన్ని సీఎం సీరియ్‌సగా తీసుకొని కఠిన చర్యలకు ఉపక్రమిస్తున్నారని, తమపై వేటు కూడా వేసి అవకాశముందని ఇంజనీరింగ్‌ అధికారుల్లో టెన్షన్‌ మొదలైంది.
నిర్లక్ష్యం వహించిన ఇంజనీర్లపై చర్యలకు ముఖ్యమంత్రి ఆదేశించడంతో కలవరం
ఆయన పర్యటనకు ముందే చర్యలు!
మహదేవపూర్‌ రూరల్‌, మే 19: కాళేశ్వరం ప్రాజెక్టు ఇంజనీరింగ్‌ అధికారుల్లో కలవరం మొదలైంది. భూపాలపల్లి జిల్లాలోని మేడిగడ్డ బ్యారేజీ కుంగుబాటుకు బాధ్యులపై, పనులు పూర్తికాకముందే సర్టిఫికెట్‌ జారీ చేసిన ఇంజనీరింగ్‌ అధికారిపై చర్యలు ఎందుకు తీసుకోవడం లేదని సీఎం రేవంత్‌ రెడ్డి ఉన్నతాధికారులను ప్రశ్నించడం చర్చనీయాంశమైంది. ఈ విషయాన్ని సీఎం సీరియ్‌సగా తీసుకొని కఠిన చర్యలకు ఉపక్రమిస్తున్నారని, తమపై వేటు కూడా వేసి అవకాశముందని ఇంజనీరింగ్‌ అధికారుల్లో టెన్షన్‌ మొదలైంది. ప్రధానంగా మేడిగడ్డ బ్యారేజీ నిర్మాణ సమయంలో కుంగిన బ్లాక్‌-7కు బాధ్యత వహించిన ఓ కీలక ఇంజనీరింగ్‌ అధికారిపై ఇప్పటికే ఒకసారి విచారణ పూర్తయింది. మరోసారి ఆయనపై అంతర్గత విచారణ జరుగుతున్నట్టు ఆ శాఖలో చర్చ సాగుతోంది.
బ్యారేజీలో పనులు పూర్తవకున్నా అప్పటి ఈఎన్సీ ప్రోద్బలంతోనే ఆ అధికారి పూర్తయినట్టు సర్టిఫికెట్‌ ఇచ్చారనే ఆరోపణలున్నాయి. బ్యారేజీ కుంగిన్పటి నుంచి తనపై ఎలాంటి రిమార్క్‌ రానివ్వకుండా ఆ కీలక అధికారి పలుకుబడి కలిగిన పలువురు నేతలతో పైరవీలు చేయించుకున్నట్లు ఆరోపణలున్నాయి. ఆయనతో పాటు సహచర ఇంజనీర్లపై చర్యలు తీసుకొనే అవకాశం లేకపోలేదనే చర్చ సాగుతోంది. మరో వారంలో సీఎం కన్నెపల్లి, అన్నారం, సుందిళ్ల పంప్‌హౌ్‌సలను సందర్శించనున్నారు. ఈ లోగానే సర్కారు చర్యలు తీసుకోనున్నట్లు తెలిసింది. మహదేవపూర్‌ సబ్‌ డివిజన్‌ పరిధిలో పనిచేసే కీలక అధికారితో పాటు ఇక్కడి నుంచి రామగుండం కార్యాలయానికి బదిలీపై వెళ్లిన మరొకరిపై చర్యలకు సిద్ధమైనట్లు సమాచారం.
Updated Date - May 20 , 2024 | 03:11 AM
