TS Politics: ఆయనకు కోరికలు బాగానే ఉన్నాయి.. హరీశ్‌రావుపై రేణుకాచౌదరి హాట్ కామెంట్స్
ABN, Publish Date - Feb 15 , 2024 | 07:51 PM
పార్లమెంట్ ఎన్నికల్లో ఖమ్మం టికెట్ విషయంలో ప్రలోభాలు పనిచేయవని గెలిచే నేతలకే కాంగ్రెస్ హై కమాండ్ టికెట్ ఇస్తుందని ఆ పార్టీ రాజ్యసభ అభ్యర్థి రేణుక చౌదరి (Renuka Chowdary) తెలిపారు.
ఖమ్మం: పార్లమెంట్ ఎన్నికల్లో ఖమ్మం టికెట్ విషయంలో ప్రలోభాలు పనిచేయవని గెలిచే నేతలకే కాంగ్రెస్ హై కమాండ్ టికెట్ ఇస్తుందని ఆ పార్టీ రాజ్యసభ అభ్యర్థి రేణుక చౌదరి (Renuka Chowdary) తెలిపారు. గురువారం నాడు ఏబీఎన్‌తో ఆమె మాట్లాడుతూ.. ఏపీకు ప్రత్యేక హోదా ఎవరూ ఆపలేరన్నారు. ఏఐసీసీ అగ్రనేత సోనియా గాంధీతో రాజ్యసభకు వెళ్లడం తన అదృష్టమని అన్నారు. తనకు హై కమాండ్ రాజ్యసభ ఇస్తారని అనుకోలేదన్నారు. అర్థరాత్రి కాల్ చేసి రాజ్యసభ కోసం నామినేషన్‌కి సిద్ధం అవ్వాలని చెప్పారని తెలిపారు.
తన కంఠంలో ప్రాణం ఉన్నంత వరకు ప్రజల కోసం పోరాడుతానని చెప్పారు. గాంధీ కుటుంబం నుంచి ఎవరైనా ఖమ్మంలో పోటీ చేస్తే బాగుంటుందని అభిప్రాయం వ్యక్తం చేశారు. తెలంగాణ తన ఇల్లు లాంటిదని అన్నారు. దివంగత నేత రాజీవ్ గాంధీ విగ్రహాన్ని వ్యతిరేకించే వాళ్లు ఫూల్స్ అని ఎద్దేవా చేశారు. రాజీవ్ గాంధీ మహిళల జాతకాలు మార్చేశారని చెప్పారు. మాజీ మంత్రి హరీష్ రావుకు కోరికలు బాగానే ఉన్నాయని రేణుకా చౌదరి సెటైర్లు వేశారు.
Updated Date - Feb 16 , 2024 | 04:04 PM
