Indiramma Housing: ‘ఇందిరమ్మ’ ఇళ్ల సర్వేకు పైలట్‌ జిల్లాల ఎంపిక
ABN, Publish Date - Nov 24 , 2024 | 04:54 AM
ఇందిరమ్మ ఇళ్ల లబ్ధిదారుల ఎంపిక సర్వేకు పైలట్‌ ప్రాజెక్ట్‌ జిల్లాలుగా మెదక్‌, నిజామాబాద్‌, మహబూబ్‌నగర్‌, భద్రాద్రి కొత్తగూడెం ఎంపికయ్యాయి. సర్వే ఆధారంగా లబ్ధిదారుల వివరాలను ‘ఇందిరమ్మ’ యాప్‌లో నమోదు చేయనున్నట్లు మెదక్‌ జిల్లా కలెక్టర్‌ రాహుల్‌ రాజ్‌ శనివారం తెలిపారు.
మెదక్‌, నిజామాబాద్‌, పాలమూరు, భద్రాద్రిలో సర్వే
మెదక్‌, నవంబరు 23, (ఆంధ్రజ్యోతి): ఇందిరమ్మ ఇళ్ల లబ్ధిదారుల ఎంపిక సర్వేకు పైలట్‌ ప్రాజెక్ట్‌ జిల్లాలుగా మెదక్‌, నిజామాబాద్‌, మహబూబ్‌నగర్‌, భద్రాద్రి కొత్తగూడెం ఎంపికయ్యాయి. సర్వే ఆధారంగా లబ్ధిదారుల వివరాలను ‘ఇందిరమ్మ’ యాప్‌లో నమోదు చేయనున్నట్లు మెదక్‌ జిల్లా కలెక్టర్‌ రాహుల్‌ రాజ్‌ శనివారం తెలిపారు. మెదక్‌లో పైలట్‌ ప్రాజెక్ట్‌గా సర్వే నిర్వహించనున్న హవేళీఘన్‌పూర్‌ మండలం లింగ్‌సాన్‌పల్లి గ్రామంలో దరఖాస్తుదారుల వివరాలను రాహుల్‌ రాజ్‌ యాప్‌లో పొందుపరిచారు. లింగ్‌సాన్‌పల్లితోపాటు జిల్లాలోని నర్సాపూర్‌ మునిసిపాలిటీ పరిధిలోని 5వ వార్డులో సర్వే నిర్వహిస్తున్నట్లు తెలిపారు. లింగ్‌సాన్‌పల్లిలో 153, నర్సాపూర్‌లోని 5వ వార్డులో 305 దరఖాస్తులు వచ్చాయని చెప్పారు. ఈ జిల్లాల తర్వాత రాష్ట్రవ్యాప్తంగా సర్వే జరగనుంది.
Updated Date - Nov 24 , 2024 | 04:56 AM
