Srinivas Reddy: వ్యవసాయ శాఖ సలహాదారుగా పోచారం బాధ్యతల స్వీకరణ
ABN , Publish Date - Sep 15 , 2024 | 04:04 AM
రాష్ట్ర వ్యవసాయ శాఖ సలహాదారుగా ఎమ్మెల్యే పోచారం శ్రీనివాసరెడ్డి శనివారం బాధ్యతలు స్వీకరించారు.
హైదరాబాద్‌, సెప్టెంబరు 14 (ఆంధ్రజ్యోతి): రాష్ట్ర వ్యవసాయ శాఖ సలహాదారుగా ఎమ్మెల్యే పోచారం శ్రీనివాసరెడ్డి శనివారం బాధ్యతలు స్వీకరించారు. హైదరాబాద్‌ పబ్లిక్‌ గార్డెన్స్‌లోని ఉద్యానవన శాఖ కార్యాలయంలో ఆయన బాధ్యతలు చేపట్టారు.
ఈ కార్యక్రమానికి వ్యవసాయ శాఖ మంత్రి తుమ్మల నాగేశ్వరరావు, ఎక్సైజ్‌, పర్యాటక శాఖ మంత్రి జూపల్లి కృష్ణారావులు హాజరయ్యారు. పోచారానికి పుష్పగుచ్ఛం అందజేసి శుభాకాంక్షలు తెలిపారు. కాగా వ్యవసాయ శాఖ సలహాదారుగా ఎమ్మెల్యే పోచారం శ్రీనివాసరెడ్డిని నియమిస్తూ ప్రభుత్వం ఆగస్టు 20న ఉత్తర్వులు జారీ చేసిన విషయం తెలిసిందే.
