Bank Holidays: వచ్చే వారం 4 రోజులు బ్యాంకులు బంద్..పనులుంటే ముందే ప్లాన్ చేసుకోండి..
ABN , Publish Date - Apr 13 , 2025 | 01:33 PM
మీకు వచ్చే వారం బ్యాంక్‌కి వెళ్లాల్సిన అవసరం ఉందా? అయితే ఈ వార్త మీకు ఎంతో అవసరం. ఎందుకంటే వచ్చే వారం నాలుగు రోజుల పాటు బ్యాంకులు మూతపడనున్నాయి. సెలవులు వరుసగా రావడం వల్ల, చాలా సేవలు ఆలస్యమయ్యే అవకాశముంది. ఆ వివరాలేంటో ఇక్కడ చూద్దాం.
మీకు వచ్చే వారం ఏదైనా బ్యాంకు పనులు ఉన్నాయా. అయితే ఈ వార్త మీరు తప్పక చదవాల్సిందే. ఎందుకంటే వచ్చే వారం ఏకంగా నాలుగు రోజులు బ్యాంకులకు సెలవులు ఉన్నాయి. ఈ సెలవులు బ్యాంకింగ్ కార్యకలాపాలపై ప్రభావం చూపే అవకాశముంది. ముఖ్యంగా లావాదేవీలు, నగదు విత్ డ్రా, చెక్కుల క్లియరెన్సుల లాంటి అవసరాలు ఆలస్యమయ్యే అవకాశం ఉంటుంది. కాబట్టి బ్యాంకులకు వెళ్లేవారు ముఖ్యంగా ప్రభుత్వ సెలవులు, పండుగలు, ప్రాంతీయ దినోత్సవాల గురించి తెలుసుకోవాలి.
వచ్చే వారం బ్యాంకులు మూతపడే అవకాశం ఎక్కువగా ఉండటం వల్ల, మీ ఆర్థిక కార్యకలాపాలను ముందుగానే ప్లాన్ చేసుకోవడం అవసరం. డిజిటల్ లావాదేవీలు పెరిగినప్పటికీ, అనేక మంది బ్యాంకింగ్ సేవలపై ఆధారపడి పనిచేస్తుంటారు. ఈ నాలుగు రోజుల సెలవుల గ్యాప్‌లో చిక్కులు తలెత్తకుండా ఉండాలంటే, మీ బ్యాంకింగ్ అవసరాలు ముందే సిద్ధం చేసుకోవడమే మంచిది.
ఏప్రిల్ 2025 బ్యాంక్ సెలవుల తేదీలు
ఏప్రిల్ 14, సోమవారం: బాబాసాహెబ్ అంబేద్కర్ జయంతి సందర్భంగా దేశవ్యాప్తంగా సెలవు
ఏప్రిల్ 15, మంగళవారం: బెంగాలీ నూతన సంవత్సరం, భోగ్ బిహు నేపథ్యంలో కోల్ కత్తా, అగర్తలా, గౌహతి, ఇటా నగర్, సిమ్లా ప్రాంతాల్లో బ్యాంకులకు సెలవు
ఏప్రిల్ 16, బుధవారం: భోగ్ బిహు సందర్భంగా గౌహతిలో బ్యాంకులకు హాలిడే
ఏప్రిల్ 18, శుక్రవారం: గుడ్ ఫ్రైడే నేపథ్యంలో దేశవ్యాప్తంగా అనేక ప్రాంతాల్లో సెలవు
తెలుగు రాష్ట్రాల వారీగా సెలవులు
తెలంగాణ: ఏప్రిల్ 14, 18 తేదీల్లో బ్యాంకులకు సెలవు
ఆంధ్రప్రదేశ్: ఏప్రిల్ 14, 18 తేదీల్లో బ్యాంకులకు సెలవు
ముందస్తు ప్లానింగ్ అవసరం
ఈ సెలవులు బ్యాంకింగ్ సేవలపై ప్రభావం చూపించవచ్చు. మీరు చెక్కులు జమ చేయడం, డిపాజిట్లు చేయడం, లేదా ఇతర బ్యాంకింగ్ సేవలు పొందాలని అనుకుంటే, ఈ తేదీలను దృష్టిలో ఉంచుకుని ముందుగానే మీ అవసరాలను ప్లాన్ చేసుకోండి.
డిజిటల్ బ్యాంకింగ్ సేవలు
బ్యాంకులు సెలవుల్లో ఉన్నప్పటికీ, డిజిటల్ బ్యాంకింగ్ సేవలు (UPI), మొబైల్ బ్యాంకింగ్, ఇంటర్నెట్ బ్యాంకింగ్) అందుబాటులో ఉంటాయి. అయితే, కొన్ని సేవలు (ఉదాహరణకు, చెక్కు క్లియరెన్స్) డిజిటల్ ద్వారా అందుబాటులో ఉండకపోవచ్చు. కాబట్టి, మీ అవసరాలను ముందుగానే గుర్తించి, అవసరమైన సేవలను పొందడానికి ప్లాన్ చేసుకోండి.
ఇవి కూడా చదవండి:
Earthquake: మయన్మార్లో మళ్లీ భూకంపం.. మరోసారి ఎప్పుడంటే
Gold Silver Rates Today: రూ.5 వేలు పెరిగిన బంగారం..గోల్డ్ను బీట్ చేసిన వెండి
Meta: మెటా మార్క్ జుకర్‌బర్గ్‌ చైనాతో ఒప్పందం..అమెరికాను మోసం చేశాడా..
SVPNPA Job Openings: హైదరాబాద్ పోలీస్ అకాడమీలో డ్రీమ్ జాబ్స్..మీకు అర్హత ఉందా, అప్లై చేశారా
Read More Business News and Latest Telugu News
