2028 నాటికి భారత్‌లో ఎలక్ట్రిక్‌ బైక్‌ ప్లాంట్‌

హోండా మోటార్‌

న్యూఢిల్లీ/ముంబై: భారత్‌లో పూర్తిగా ఎలక్ట్రిక్‌ మోటార్‌ సైకిళ్లు మాత్రమే తయారు చేసే ప్లాంట్‌ను 2028 నాటికి ప్రారంభిస్తామని జపాన్‌ ఆటో దిగ్గజం హోండా మోటార్‌ ప్రకటించింది. ఈ ప్లాంట్‌లో విస్తృత శ్రేణిలో మోటార్‌ సైకిళ్లు తయారు చేయనున్నట్లు తెలిపింది. అయితే ఈ ప్లాంట్‌ ఎక్కడ ఏర్పాటు చేసేది, పెట్టుబడులు ఎంతనేది మాత్రం కంపెనీ వెల్లడించలేదు. ఈ కొత్త ప్లాంట్‌ నుంచి ఎనిమిది మోడళ్లలో ఎలక్ట్రిక్‌ బైక్‌లు, స్కూటర్లు ఉత్పత్తి చేయనున్నట్టు కంపెనీ ఎగ్జిక్యూటివ్‌ ఆఫీసర్‌ మినోరు కాటో తెలిపారు. అలాగే విద్యుత్‌ వాహనాల్లో కీలకమైన బ్యాటరీల కోసం వివిధ బ్యాటరీ ఉత్పత్తిదారులతో సంప్రదిస్తున్నామని, తాము తయారు చేయాలనుకుంటున్న మోటార్‌ సైకిళ్ల స్వభావానికి సరిపోయే బ్యాటరీలు తయారు చేయడంతో పాటు సరఫరా స్థిరంగా ఉండాలన్నది తమ ధ్యేయమని ఆయన చెప్పారు. దేశంలో ఎలక్ట్రిక్‌ వాహనాల (ఈవీ)కు అందుబాటులో ఉన్న సబ్సిడీ విధానాలు, కంపెనీలు అందిస్తున్న వినూత్న మోడళ్ల మద్దతుతో 10 లక్షల విద్యుత్‌ టూ వీలర్లకు డిమాండ్‌ ఏర్పడిందని, మొత్తం వాహనాల మార్కెట్లో ఇది ఐదు శాతంతో సమానమని ఆయన వెల్లడించారు.

2030 నాటికి ప్రపంచవ్యాప్తంగా 30 విద్యుత్‌ మోడళ్లు ఉత్పత్తి చేయాలన్నది లక్ష్యం కాగా ఇప్పటికే 13 మోడళ్లు ప్రవేశపెట్టినట్టు చెప్పారు. 2030 నాటికి ప్రపంచవ్యాప్తంగా ఏడాదికి 40 లక్షల విద్యుత్‌ బైక్‌లు విక్రయించాలన్నది తమ లక్ష్యమని మినోరు తెలిపారు.

ఇవి కూడా చదవండి:

Union Budget 2025: కేంద్ర బడ్జెట్‌ను ప్రవేశపెట్టిన ప్రధానమంత్రులు.. ఎవరెవరంటే..

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

IRCTC: తక్కువ ధరలకే కుంభమేళా టూర్ ప్యాకేజీ.. ఇలా బుక్ చేసుకోండి మరి..

Budget 2025: వచ్చే బడ్జెట్‌లో కొత్త ఆదాయపు పన్ను బిల్లు.. 60 శాతం తగ్గింపు..

SIM Card New Rules: సిమ్ కార్డ్ కొత్త రూల్స్ గురించి తెలుసా.. ఇది తప్పనిసరి

Investment Plan: మీ పదవీ విరమణకు ఇలా ప్లాన్ చేయండి.. రూ. 2 కోట్లు పొందండి..

Read More Business News and Latest Telugu News