Budget-2025 : భారీగా తగ్గనున్న ఈ వస్తువుల ధరలు

2025-26 ఏడాదికి సంబంధించిన కేంద్ర బడ్జెట్‌‌ను కేంద్ర ఆర్థిక మంత్రి నిర్మలా సీతారామన్ ప్రవేశపెట్టారు. ఈ బడ్జెట్‌లో అనేక రంగాల్లో సరికొత్త సంస్కరణలను తీసుకొచ్చారు. అలాగే విద్య, వ్యవసాయం, టెక్నాలజీ రంగాలకు అనేక ప్రోత్సాహకాలను అందించారు. ఈ బడ్జెట్‌తో కొత్తగా ఏయే వస్తువుల ధరలు తగ్గనున్నాయో ఇప్పుడు తెలుసుకుందాం.

• సీసం, జింక్‌ సహా మొత్తం 12 ఖనిజాలను బేసిక్ కస్టమ్స్ డ్యూటీ నుంచి మినహాయిస్తున్నట్లు కేంద్ర ఆర్థిక మంత్రి నిర్మలా సీతారామన్ తెలిపారు.

• ప్రాణాలను కాపాడే 36 మందులకు బేసిక్ కస్టమ్స్ డ్యూటీ నుంచి మినహాయింపు ఇచ్చారు.

• అదేవిధంగా కేన్సర్ చికిత్సకు సంబంధించిన మూడు మందులకు కస్టమ్స్ డ్యూటీ నుంచి మినహాయింపు ఇచ్చారు.

• నౌకల తయారీకి అవసరమైన ముడి సరుకులపై కూడా కస్టమ్స్ డ్యూటీని పదేళ్ల పాటు మినహాయింపు ఇచ్చారు.

• సముద్ర ఉత్పత్తులపై బేసిక్ కస్టమ్ డ్యూటీని 35 శాతం నుంచి 5 శాతానికి తగ్గించారు.

• తోలు, తోలు ఉత్పత్తులు భారీగా తగ్గుతాయి.

• ఎల్ఈడీ, ఎల్ సీడీ టీవీల ధరలు కూడా తగ్గనున్నాయి.

• ఫోన్లు, లిథియం బ్యాటరీలు, ఎలక్ట్రిక్ వాహనాల ధరలు కూడా తగ్గుతాయి.

• ఫ్రోజెన్ చేపలు, చేపల పేస్ట్‌కు సంబంధించిన ధరలు.

• భారత్‌లో తయారయ్యే దుస్తులు ధరలను కూడా తగ్గించనున్నారు.

• క్యారియర్- గ్రేడ్ ఈథర్నెట్ స్విచ్‌లతో పాటూ 12 రకాల కీలకమైన ఖనిజాల ధరలు కూడా తగ్గుతాయి.