యూకే ఫార్మా కంపెనీ లుపిన్‌ చేతికి
ABN , Publish Date - Apr 03 , 2025 | 02:57 AM
బ్రిటన్‌కు చెందిన రెనాసైన్స్‌ ఫార్మా కంపెనీని 1.23 కోట్ల పౌండ్లకు (రూ.135 కోట్లు) కొనుగోలు చేసినట్టు లుపిన్‌ ప్రకటించింది. ముంబై కేంద్రంగా...
న్యూఢిల్లీ: బ్రిటన్‌కు చెందిన రెనాసైన్స్‌ ఫార్మా కంపెనీని 1.23 కోట్ల పౌండ్లకు (రూ.135 కోట్లు) కొనుగోలు చేసినట్టు లుపిన్‌ ప్రకటించింది. ముంబై కేంద్రంగా పని చేస్తున్న లుపిన్‌కు అనుబంధ విభాగం అయిన లుపిన్‌ హెల్త్‌కేర్‌ (యూకే) లిమిటెడ్‌ ఈ కొనుగోలు చేసింది. దీని ప్రకారం రెనాసైన్స్‌ పూర్తిగా లుపిన్‌ యాజమాన్యంలోని సంస్థగా మారుతుంది. తదుపరి దశలో లుపిన్‌కు అనుబంధ కంపెనీగా ట్రేడవుతుందని తెలిపింది. చెవి నొప్పికి వినియోగించే సెఫాలోస్పోరిన్స్‌ బ్రాండెడ్‌ ఇంజెక్షన్‌ సరఫరా చేసే ఏకైక కంపెనీ రెనాసైన్స్‌. ఇది కాకుండా కార్డియో వాస్కులర్‌, మూత్రకోశ వ్యాధులకు కూడా రెనాసైన్స్‌ ఔషధాలు ఉత్పత్తి చేస్తుంది. ఈ కొనుగోలుతో తమ బ్రాండెడ్‌ ఔషధాల పోర్ట్‌ఫోలియో విస్తరణకు దోహదపడుతుందని లుపిన్‌ తెలిపింది.
ఇవి కూడా చదవండి:
Loan Charges: ఏప్రిల్‌లో పర్సనల్ లోన్స్‌పై ప్రధాన బ్యాంకులు వసూలు చేసే వడ్డీ రేట్లు
Business Idea: మహిళలకు బెస్ట్..లక్ష పెట్టుబడితో వ్యాపారం, నెలకు రూ.3 లక్షల ఆదాయం..
Read More Business News and Latest Telugu News
