Donald Trump: డొనాల్డ్ ట్రంప్‌కి మరో దెబ్బ.. అమెరికా వస్తువులపై కూడా 34% సుంకం..
ABN, Publish Date - Apr 04 , 2025 | 04:17 PM
అమెరికా అధ్యక్షుడు ట్రంప్ ఇటీవల చైనా నుంచి వారి దేశానికి వచ్చే వస్తువులపై 34 శాతం సుంకాలను విధించనున్నట్లు ప్రకటించారు. ఇదే సమయంలో చైనా ప్రభుత్వం అమెరికాకు గట్టి షాక్ ఇచ్చింది.
ప్రపంచవ్యాప్తంగా క్రమంగా వాణిజ్య యుద్ధం మొదలయ్యేలా ఉంది. ఎందుకంటే అమెరికా అధ్యక్షుడు ట్రంప్ (Donald Trump) ఇటీవల భారత్, చైనా (china) సహా అనేక దేశాలపై సుంకాలను ప్రకటించారు. ఆ క్రమంలోనే చైనా నుంచి దిగుమతి చేసుకుంటున్న వస్తువులపై అమెరికా అధ్యక్షుడు డొనాల్డ్ ట్రంప్ 34% సుంకాలను విధించనున్నట్లు ప్రకటించారు. ఈ నేపథ్యంలోనే తాజాగా ట్రంప్ నిర్ణయానికి ధీటుగా అమెరికా నుంచి చైనాకు వచ్చే వస్తువులపై 34% సుంకం విధించనున్నట్లు చైనా ఆర్థిక మంత్రిత్వ శాఖ అధికారికంగా తెలిపింది.
విశ్వసనీయత లేని సంస్థలుగా
ఈ చర్య తర్వాత ఇరు దేశాల మధ్య వాణిజ్య యుద్ధం మరింత పెరిగే మాదిరిగా అనిపిస్తుంది. చైనా మరో కీలకమైన నిర్ణయం కూడా తీసుకుంది. చైనా వాణిజ్య మంత్రిత్వ శాఖ 11 అమెరికన్ కంపెనీలను "విశ్వసనీయత లేని సంస్థల" జాబితాలో చేర్చింది. ఈ సంస్థలు చైనాతో వ్యాపారం చేయడాన్ని తీవ్రంగా నిషేధించేలా చైనా చర్యలు తీసుకుంటోంది. ఈ జాబితాలో చేరిన సంస్థలు చైనాలో తమ వ్యాపార కార్యకలాపాలను కొనసాగించలేవు. ఈ నిర్ణయం ద్వారా చైనాలో మిలియన్ల డాలర్ల విలువైన వ్యాపారాలు, సాంకేతిక పరిశ్రమలు, డిజిటల్ సేవలపై తీవ్ర ప్రభావం చూపించనున్నాయి.
అరుదైన మూలకాలపై చైనా కొత్త ఆంక్షలు
ఇందులో మరొక ముఖ్యమైన అంశం ఏంటంటే, అరుదైన భూమి మూలకాల ఎగుమతులపై కూడా చైనా కఠిన పరిమితులు విధించింది. ఈ భూమి మూలకాలే చాలా ఉత్పత్తులలో ఉపయోగిస్తారు. ముఖ్యంగా ఎలక్ట్రికల్ కార్లు, స్మార్ట్ ఫోన్లు, ల్యాప్‌టాప్‌లు, సైనిక సామాగ్రి, బాంబులు వంటి సాంకేతిక పరికరాలకు వినియోగిస్తారు. అమెరికా నుంచి వచ్చే ఈ ఉత్పత్తులకు ఆంగ్లదేశంతో పాటు ఇతర దేశాలు కూడా ఆధారపడే అవకాశం ఉంది. కాబట్టి ఈ ఆంక్షలు కేవలం చైనా పైనే కాకుండా ప్రపంచ వ్యాప్తంగా వాణిజ్య సంబంధాలను ప్రభావితం చేసే అవకాశం ఉంది.
అమెరికా వ్యవసాయ ఎగుమతులపై ప్రభావం
వాణిజ్య మార్పిడి చర్యల్లో భాగంగా చైనా కస్టమ్స్ ఏజెన్సీ కూడా అమెరికా నుంచి వచ్చే చికెన్ దిగుమతులను నిలిపివేయనున్నట్లు ప్రకటించింది. ఈ చర్య అమెరికా వ్యవసాయ రంగంపై తీవ్రమైన ప్రభావం చూపవచ్చు. ఎగుమతుల నిలిపివేత ద్వారా అమెరికా భారీగా ఆదాయం కోల్పోవడమే కాకుండా, రైతుల జీవనోపాధి కూడా ప్రభావితమవుతుంది. అమెరికా అధ్యక్షుడి చర్యలు చైనా, భారతదేశం, యూరోపియన్ యూనియన్ వంటి ఇతర దేశాలతో కూడా వాణిజ్య వ్యతిరేక పోటీని పెంచాయి. ట్రంప్ ఈ వాణిజ్య యుద్ధంలో వెనక్కి తగ్గేలా కనిపించడం లేదు. తన నిర్ణయాల ద్వారా అమెరికా గ్లోబల్ మార్కెట్‌ ఇతర దేశాలతో పోటీపడుతోందని వాణిజ్య నిపుణులు చెప్తున్నారు.
గ్లోబల్ మార్కెట్‌పై ప్రభావం
ఈ చర్యలు ప్రపంచ వాణిజ్య వ్యవస్థలో అసహనాన్ని కలిగించేలా ఉన్నాయని చెప్పవచ్చు. ప్రధానంగా అమెరికా, చైనా ద్వైపాక్షిక సంబంధాలపై తీవ్ర ప్రభావం చూపే ఛాన్సుంది. మిగతా ప్రపంచ దేశాలు దీన్ని ప్రత్యక్షంగా లేదా పరోక్షంగా అనుభవించవచ్చు. ఈ విధమైన చర్యలు వాణిజ్య మార్పిడి విధానాలు, రవాణా ధరలు, వినియోగదారులకు వచ్చే వస్తువుల ధరలపై మరింత ఒత్తిడిని తీసుకురానున్నాయి. కానీ ఈ నిర్ణయాలు మాత్రం ప్రపంచవ్యాప్తంగా గ్లోబల్ మార్కెట్‌పై తీవ్ర ప్రభావం చూపనున్నాయి. ఇదే సమయంలో మిగతా దేశాలు ఎలా రియాక్ట్ అవుతాయో చూడాలి మరి.
ఇవి కూడా చదవండి:
Business Idea: మహిళలకు బెస్ట్..లక్ష పెట్టుబడితో వ్యాపారం, నెలకు రూ.3 లక్షల ఆదాయం..
Loan Charges: ఏప్రిల్‌లో పర్సనల్ లోన్స్‌పై ప్రధాన బ్యాంకులు వసూలు చేసే వడ్డీ రేట్లు
Read More Business News and Latest Telugu News
Updated Date - Apr 04 , 2025 | 04:30 PM
![](data:image/svg+xml;charset=utf-8,<svg height="1940px" width="430px" xmlns="http://www.w3.org/2000/svg" version="1.1"/>)