National Games 2025: తొలిసారి ఈ రాష్ట్రంలో 38వ జాతీయ క్రీడలు.. కాసేపట్లో ప్రధాని మోదీ

38వ జాతీయ క్రీడలను (National Games 2025) కాసేపట్లో ప్రధాని మోదీ (PM Modi) ప్రారంభించనున్నారు. ఈ కార్యక్రమం రాజీవ్ గాంధీ అంతర్జాతీయ క్రికెట్ స్టేడియం ఉత్తరాఖండ్, డెహ్రాడూన్‌లో జరగనుంది. ఈ ప్రత్యేక వేడుకకు భారత ఒలింపిక్ సంఘం అధ్యక్షురాలు పిటి ఉషతో పాటు పలువురు ప్రముఖులు కూడా చేరుకున్నారు. ఈ క్రీడలు జనవరి 28 నుంచి ఫిబ్రవరి 14 వరకు ఉత్తరాఖండ్‌లోని ఎనిమిది జిల్లాల్లోని 11 నగరాల్లో జరుగుతాయి. 36 రాష్ట్రాలు, ఒక కేంద్రపాలిత ప్రాంతం ఈ జాతీయ క్రీడలలో పాల్గొనబోతున్నాయి. 17 రోజుల పాటు, 35 క్రీడా విభాగాలకు ఈ పోటీలు జరుగుతాయి. వీటిలో 33 క్రీడలకు పతకాలు ప్రదానం చేస్తారు.

అధికారులతో కూడిన జట్లు..

యోగా, మల్లఖంబ్‌లను మొదటిసారిగా ఈ జాతీయ క్రీడలలో చేర్చారు. దేశవ్యాప్తంగా దాదాపు 10,000 మందికి పైగా అథ్లెట్లు ఈ కార్యక్రమంలో పాల్గొంటారు. దేశం నలుమూలల నుంచి వచ్చే 16,000 మందికి పైగా ఆటగాళ్లు, కోచ్‌లు, అధికారులతో కూడిన జట్లు ఇప్పటికే ఉత్తరాఖండ్ చేరుకున్నాయి. ఈ క్రమంలో అన్ని మైదానాలు.. అథ్లెటిక్స్, క్రికెట్ తదితర క్రీడలు నిర్వహించేందుకు సిద్ధమయ్యాయి. జాతీయ క్రీడలు ఉత్తరాఖండ్ రాష్ట్రంలో తొలిసారిగా నిర్వహిస్తున్నారు. ఈ వేదికపై నిర్వహించేందుకు రాష్ట్ర ప్రభుత్వం అన్ని వర్గాల నుంచి సహకారాన్ని అందుకుంది. ఈ క్రీడలలో జాతీయ స్థాయిలో ప్రదర్శన ఉన్న 9,000 మంది ప్లేయర్లు తమ ప్రతిభను చూపేందుకు సిద్ధంగా ఉన్నారు.

క్రీడలు బాగా జరిగేలా..

ప్రభుత్వానికి చెందిన క్రీడా మంత్రి రేఖ ఆర్య మాట్లాడుతూ జాతీయ క్రీడలను ఉత్తరాఖండ్‌లో సక్రమంగా నిర్వహించేందుకు ప్రభుత్వం అన్ని ఏర్పాట్లు పూర్తి చేసిందన్నారు. ఇందుకు సంబంధించి మేము ఎంతో కృషి చేశామన్నారు. జాతీయ క్రీడలు ఉత్తరాఖండ్ గడ్డపై జరుగుతున్న నేపథ్యంలో, ఇది మన రాష్ట్రానికి గర్వకారణమన్నారు. ఆటగాళ్ల ఆత్మవిశ్వాసం పెరిగేలా ఈ క్రీడలు బాగా జరిగేలా చూస్తామని ఆమె అన్నారు. ఈ ప్రత్యేకమైన క్రీడా వేడుకలో ఇప్పటికే 16,000 మంది పోటీలు ప్రారంభించే కార్యక్రమానికి చేరుకున్నారు.

ఈసారి జాతీయ క్రీడలు..

9వేల మందికి పైగా ఆటగాళ్లు పలు క్రీడల్లో పాల్గొనటానికి సిద్ధంగా ఉన్నారు. అదేవిధంగా, ప్రభుత్వం 1500 మంది వాలంటీర్లను రంగంలోకి దించి ఈ క్రీడలు సజావుగా జరిగేందుకు కృషిచేస్తుంది. రాష్ట్రం బాగా ఎదుగుతున్న నేపథ్యంలో జాతీయ క్రీడల ద్వారా ప్రపంచానికి ఈ ప్రాంతం మరింత గుర్తింపు సంపాదించడానికి ఈ క్రీడలు మైలురాయిగా నిలిచే అవకాశాలు ఉన్నాయి. ఈసారి జాతీయ క్రీడలు ఉత్తరాఖండ్ రాష్ట్రానికి ఎంతో ప్రత్యేకం కావడంతో స్థానికంగా ప్రజలతోపాటు అనేక మంది ఈ క్రీడల గురించి ఆసక్తితో ఉన్నారు.

ఇవి కూడా చదవండి:

Kumbh Mela 2025: మహా కుంభమేళాను 15 రోజుల్లో ఎంత మంది సందర్శించారో తెలుసా..

Union Budget 2025: కేంద్ర బడ్జెట్‌ను ప్రవేశపెట్టిన ప్రధానమంత్రులు.. ఎవరెవరంటే..

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

IRCTC: తక్కువ ధరలకే కుంభమేళా టూర్ ప్యాకేజీ.. ఇలా బుక్ చేసుకోండి మరి..

Budget 2025: వచ్చే బడ్జెట్‌లో కొత్త ఆదాయపు పన్ను బిల్లు.. 60 శాతం తగ్గింపు..

Investment Plan: మీ పదవీ విరమణకు ఇలా ప్లాన్ చేయండి.. రూ. 2 కోట్లు పొందండి..

Read More Business News and Latest Telugu News