Delhi CM: ఢిల్లీ సీఎం అతిషి రాజీనామా.. అసెంబ్లీ రద్దు
ABN, Publish Date - Feb 09 , 2025 | 12:23 PM
ఢిల్లీ ముఖ్యమంత్రి అతిషి ఆదివారం రాజ్క్ నివాస్‌లో ఎల్‌జీ వీకే సక్సేనాను కలిసి తన పదవి రాజీనామాను అందించారు. ఢిల్లీ అసెంబ్లీ ఎన్నికల ఫలితాల్లో ఆప్‌కు భారీ షాక్ తగిలిన తర్వాత ఆమె ఈ నిర్ణయం తీసుకున్నారు.
ఆమ్ ఆద్మీ పార్టీ (AAP) నాయకురాలు, ఢిల్లీ ముఖ్యమంత్రి అతిషి (Atishi) ఆదివారం లెఫ్టినెంట్ గవర్నర్ వీకే సక్సేనాను కలిసి తన పదవి రాజీనామా లేఖను అందించారు. ఢిల్లీ ఎన్నికల్లో ఆప్‌కు ఎదురైన భారీ పరాజయం నేపథ్యంలో ఆమె ఈ నిర్ణయం తీసుకున్నారు. బీజేపీ అభ్యర్థి రమేష్ బిధూరిపై ఆమె కల్కాజీలో 3,521 ఓట్ల తేడాతో విజయ సాధించారు. అయితే ఢిల్లీ ఎన్నికల్లో భారతీయ జనతా పార్టీ (BJP) మొత్తంగా 48 సీట్లు గెల్చుకుని భారీ విజయాన్ని సాధించింది. మరోవైపు ఈ ఎన్నికల్లో ఆప్ కీలక నేతలు మనీష్ సిసోడియా, సత్యేంద్ర జైన్, పార్టీ జాతీయ కన్వీనర్ అరవింద్ కేజ్రీవాల్ సహా పలువురు ఓడిపోయారు.
తన పదవిలో..
గత సంవత్సరం అప్పటి ముఖ్యమంత్రి కేజ్రీవాల్‌తో సహా దాదాపు అన్ని పార్టీల అగ్రనేతలు అవినీతి కేసుల్లో జైలుకు వెళ్లారు. ఆ క్రమంలో అతిషి AAPని అతిపెద్ద సంక్షోభంలో ఢిల్లీ సీఎంగా ఉండి ఇప్పటివరకు కొనసాగారు. ఈ సమయంలో ఆమె నాయకత్వం, వ్యూహాలు పార్టీకి చాలా కీలకం అయ్యాయి. ముఖ్యమంత్రిగా బాధ్యతలు స్వీకరించిన తర్వాత, తన ముందున్న కేజ్రీవాల్ ఉపయోగించిన కుర్చీని తన కార్యాలయంలో ఖాళీగా ఉంచారు. కేజ్రీవాల్ కోసం ఈ సీటు ఎప్పటికీ ఉంటుందని ప్రకటించారు. ఆమెను కొంత మంది "తాత్కాలిక CM" అని పిలిచారు. కానీ ఆమె మాత్రం తన పదవిలో చాలా సీరియస్‌గా పనిచేశారు.
అతిషి రాజకీయ ప్రయాణం..
2015లో అప్పటి విద్యాశాఖ మంత్రి మనీష్ సిసోడియాకు ఆమె సలహాదారుగా నియమితులయ్యారు. విద్యా వ్యవస్థను పునరుద్ధరించడానికి, మౌలిక సదుపాయాలను పెంచేందుకు ఆప్ ప్రభుత్వంలో కీలక పాత్ర పోషించారు. దీంతోపాటు ఆమె ఆప్ అధికార ప్రతినిధిగా, రాజకీయ వ్యవహారాల కమిటీ సభ్యురాలిగా కూడా పనిచేశారు. 2019లో ఆమె తూర్పు ఢిల్లీ స్థానం నుంచి బీజేపీకి చెందిన గౌతమ్ గంభీర్‌పై లోక్‌సభ ఎన్నికల్లో పోటీ చేసి విఫలమయ్యారు. కానీ 2020లో జరిగిన ఢిల్లీ అసెంబ్లీ ఎన్నికల్లో ఆమె కల్కాజీ అసెంబ్లీ స్థానంలో విజయం సాధించారు. ఆమె క్యాబినెట్ మంత్రిగా అనేక శాఖలను నిర్వహించారు.
రాజీనామా తర్వాత
అతిషి రాజీనామా చేసిన తర్వాత, ఢిల్లీ అసెంబ్లీ రద్దు చేయబడింది. ఈ పరిణామాలు ఆప్ పార్టీకి ముఖ్యంగా ఆమెకు, రాజకీయంగా పెద్ద దెబ్బగా మారాయని చెప్పవచ్చు. పార్టీకి చెందిన ఇతర నాయకులు కూడా ఈ పరిణామాలను తీవ్రంగా పరిగణిస్తున్నారు. భవిష్యత్తులో పార్టీతో ఎలా ముందుకు వెళ్లాలని ఆలోచిస్తున్నారు. ఈ క్రమంలో ఆమె నాయకత్వంలో పార్టీకి ఎదురైన సవాళ్లను అధిగమించడానికి కొత్త వ్యూహాలు అనుసరించే అవకాశం ఉంది. ఈ నేపథ్యంలో పార్టీకి చెందిన ఇతర నేతలతోపాటు కేజ్రీవాల్ ఈ పరిస్థితి తర్వాత, ఎలాంటి నిర్ణయం తీసుకుంటారనే దానిపై చర్చనీయాంశంగా మారింది.
ఇవి కూడా చదవండి:
PM Kisan Samman Nidhi Yojana: ఈ రైతులకు పీఎం కిసాన్ యోజన డబ్బులు రావు.. కారణాలివే..
Bus Accident: ట్రావెల్ బస్సును ఢీ కొట్టిన ట్రక్కు.. 41 మంది మృతి
Next Week IPOs: వచ్చే వారం కీలక ఐపీఓలు.. మరో 6 కంపెనీల లిస్టింగ్
BSNL: రీఛార్జ్‌పై టీవీ ఛానెల్‌లు ఉచితం.. క్రేజీ ఆఫర్
Gold and Silver Rates Today: రెండు వేలకుపైగా పెరిగిన గోల్డ్.. వెండి ధర ఎలా ఉందంటే..
8th Pay Commission: ప్యూన్ నుంచి ఆఫీసర్ జీతాలు ఎలా పెరుగుతాయంటే.. నెలకు లక్షకుపైగా
Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..
Read More Business News and Latest Telugu News
Updated Date - Feb 09 , 2025 | 12:43 PM
