Cyber Crime: సైబర్‌ నేరాలకు వేదికగా వాట్సాప్‌
ABN, Publish Date - Jan 02 , 2025 | 05:41 AM
సోషల్‌ మీడియా ప్లాట్‌ఫాంలు సైబర్‌ నేరాలకు వేదికలుగా మారాయి. వాట్సాప్‌ కేంద్రంగా సైబర్‌ నేరగాళ్లు ఆన్‌లైన్‌ మోసాలకు పాల్పడుతున్నారు.
కేంద్ర హోంశాఖ వార్షిక నివేదికలో వెల్లడి
న్యూఢిల్లీ, జనవరి 1: సోషల్‌ మీడియా ప్లాట్‌ఫాంలు సైబర్‌ నేరాలకు వేదికలుగా మారాయి. వాట్సాప్‌ కేంద్రంగా సైబర్‌ నేరగాళ్లు ఆన్‌లైన్‌ మోసాలకు పాల్పడుతున్నారు. వాట్సాప్‌ తర్వాత స్థానంలో టెలిగ్రామ్‌, ఇన్‌స్టాగ్రామ్‌ ఉన్నాయి. 2023-24 సంవత్సరంలో నమోదైన సైబర్‌ నేరాల జాబితాను కేంద్ర హోంశాఖ తాజాగా విడుదల చేసింది.
ఈ నివేదిక ప్రకారం.. గతేడాది మొదటి మూడు నెలల్లో వాట్సాప్‌ ద్వారా జరిగిన సైబర్‌ మోసాలపై 43,937 ఫిర్యాదులు రాగా, టెలిగ్రామ్‌లో మోసాలపై 22,680, ఇన్‌స్టాగ్రామ్‌ వేదికగా జరుగుతున్న నేరాలపై 19,800 చొప్పున నమోదయ్యాయి. ఈ నేరాలకు పాల్పడేందుకు సైబర్‌ మోసగాళ్లు గూగుల్‌ సేవల ప్లాట్‌ఫాంలను ఉపయోగిస్తున్నారు.
Updated Date - Jan 02 , 2025 | 05:41 AM
