ఖమ్మం మిర్చి మార్కెట్‌కు పోటెత్తిన ఎర్ర బంగారం.. లక్షల బస్తాల్లో..
ABN, Publish Date - Apr 02 , 2025 | 08:20 PM
Khammam Mirchi Market : ఖమ్మం మిర్చి యార్డుకు ఎర్రబంగారం బస్తాలు పెద్ద ఎత్తున పోటెత్తాయి. మిర్చి విక్రయించేందుకు తెలంగాణ, ఏపీలోని పలు జిల్లాల రైతులు లక్షల బస్తాలతో తరలివచ్చారు.
ఖమ్మం వ్యవసాయ మార్కెట్ కు ఎర్రబంగారం పోటెత్తింది. లక్షల బస్తాల్లో రైతులు మిర్చిని మార్కెట్ యార్డుకు తీసుకువచ్చారు.
ఒక్క ఖమ్మం జిల్లా నుంచే కాకుండా చుట్టుపక్కల ఉన్న మహబూబాబాద్, సూర్యాపేట, వరంగల్, భద్రాద్రి కొత్తగూడెం, ఏపీలోని పలు జిల్లాల నుంచి రైతన్నలు మిర్చి పంటను విక్రయించేందుకు తరలివచ్చారు.
కానీ, మిర్చి ధర విషయంలో తమకు అన్యాయం జరుగుతోందని అన్నదాతలు ఆవేదన చెందుతున్నారు. నాణ్యత బాగాలేదని వ్యాాపారులు తక్కువ ధర చెల్లిస్తున్నారని వాపోతున్నారు.
అధికారులు పాట గురించి గొప్పగా చెప్పుకున్నా వాస్తవ పరిస్థితులు వేరేగా ఉన్నాయని రైతులు చెబుతున్నారు. అయితే అంతర్జాతీయంగా డిమాండ్ , ఎక్స్ పోర్ట్ ఆర్డర్లు రాకపోవడం వల్ల రేటు తగ్గిందని వ్యాపారులు అంటున్నారు.
రాష్ట్రంలో ఈసారి విపరీతమైన ఎండలు, తెగుళ్ల కారణంగా మిర్చి పంట సరిగా దిగుబడి రాలేదు. అందుకేే తాము నష్టపోకుండా గిట్టుబాటు ధర కల్పించాలని రైతులు అధికారులను కోరుతున్నారు.
Updated Date - Apr 02 , 2025 | 08:23 PM
