IPL 2025, GT vs RR: టాస్ గెలిచిన రాజస్తాన్.. మొదటి బ్యాటింగ్ ఎవరిదంటే
ABN , Publish Date - Apr 09 , 2025 | 07:05 PM
ఐపీఎల్‌లో మరో ఆసక్తికర పోరుకు రంగం సిద్ధమైంది. అండర్‌డాగ్స్‌గా బరిలోకి దిగిన గుజరాత్ టైటాన్స్, రాజస్తాన్ రాయల్స్ జట్లు తొలిసారి ఈ సీజన్‌లో తలపడబోతున్నాయి. గుజరాత్‌లోని నరేంద్ర మోదీ అంతర్జాతీయ స్టేడియంలో ఈ మ్యాచ్ జరగబోతోంది.
ఐపీఎల్ (IPL 2025లో మరో ఆసక్తికర పోరుకు రంగం సిద్ధమైంది. అండర్‌డాగ్స్‌గా బరిలోకి దిగిన గుజరాత్ టైటాన్స్, రాజస్తాన్ రాయల్స్ (GT vs RR) జట్లు తొలిసారి ఈ సీజన్‌లో తలపడబోతున్నాయి. గుజరాత్‌లోని నరేంద్ర మోదీ అంతర్జాతీయ స్టేడియంలో ఈ మ్యాచ్ జరగబోతోంది. గిల్ సారథ్యంలోని గుజరాత్ వరుస విజయాలతో జోరుమీదుంది. ఆడిన నాలుగు మ్యాచ్‌ల్లో మూడింట గెలుపొంది పాయింట్ల పట్టికలో రెండో స్థానంలో ఉంది. ఇక, ఇప్పటివరకు నాలుగు మ్యాచ్‌లు ఆడిన రాజస్తాన్ రెండింట్లో గెలిచింది.
టాస్ గెలిచిన రాజస్తాన్ రాయల్స్ కెప్టెన్ సంజూ శాంసన్ మొదట బౌలింగ్ ఎంచుకున్నాడు. దీంతో గుజరాత్ బ్యాటింగ్‌కు సిద్ధమవుతోంది.ఇప్పటివరకు రాజస్తాన్ రాయల్స్, గుజరాత్ టైటాన్స్ జట్ల మధ్య ఆరు సార్లు ఐపీఎల్‌లో మ్యాచ్‌లు జరిగాయి. వాటిల్లో గుజరాత్ టైటాన్స్ 5 సార్లు విజయం సాధించింది. రాజస్తాన్ రాయల్స్ కేవలం ఒక్కసారే గెలుపొందింది. ఈ రికార్డును ఈ రోజు తిరగ రాయాలని రాజస్తాన్ కృత నిశ్చయంతో ఉంది. గుజరాత్ టాపార్డర్ బ్యాటర్లు సాయి సుదర్శన్, గిల్, జోస్ బట్లర్ మంచి ఫామ్‌లో ఉన్నారు.
తుది జట్లు:
గుజరాత్ టైటాన్స్: సాయి సుదర్శన్, శుభ్‌మన్ గిల్, జాస్ బట్లర్, షారూక్ ఖాన్, రాహుల్ తెవాటియా, వాషింగ్టన్ సుందర్, రషీద్ ఖాన్, సాయి కిశోర్, మహ్మద్ సిరాజ్, ప్రసీద్ధ్ కృష్ణ, ఇషాంత్ శర్మ
రాజస్తాన్ రాయల్స్: సంజూ శాంసన్, యశస్వి జైస్వాల్, నితీష్ రాణా, రియాన్ పరాగ్, ధ్రువ్ జురెల్, షిమ్రన్ హెట్‌మేయర్, హసరంగ, జోఫ్రా ఆర్చర్, తీక్షణ, యుద్వీర్ సింగ్, సందీప్ శర్మ
ఇవి కూడా చదవండి..
Virat Kohli: విరాట్ కోహ్లీ ఇన్‌స్టాగ్రామ్ అకౌంట్ నుంచి యాడ్స్, ప్రమోషన్స్ తొలగింపు.. కారణం ఏంటి
IPL 2025, GT vs RR: అండర్‌డాగ్స్ పోరులో విజేత ఎవరు.. గుజరాత్‌కు రాజస్తాన్ బ్రేక్‌లు వేస్తుందా
మరిన్ని క్రీడా వార్తలు కోసం క్లిక్ చేయండి..
