Boragam Srinivasulu: జగన్‌ అసమర్థ పాలనలో ప్రజలు సమస్యలు ఎదుర్కొంటున్నారు

చొప్పరామన్నగూడెం (ఏలూరు జిల్లా) సీఎం వైఎస్ జగన్‌మోహన్ రెడ్డి (Jaganmohan Reddy) చేతగాని అసమర్థ పాలనలో ప్రజలు సమస్యలను ఎదుర్కొంటున్నారని పోలవరం నియోజకవర్గ టీడీపీ కన్వీనర్ బొరగం శ్రీనివాసులు (Boragam Srinivasulu) విమర్శించారు. 15 అంశాలపై చర్చించి గ్రామ ప్రజలు చెప్పిన సమస్యలను నమోదు చేసుకున్నారు. ప్రజల తరపున టీడీపీ చేస్తున్న పోరాటానికి మద్దతుగా +91- 92612 92612 నంబరుకు మిస్డ్ కాల్ ఇవ్వాలని శ్రీనివాసులు కోరారు. కొయ్యలగూడెం మండలం చొప్పరామన్నగూడెం గ్రామంలో నిర్వహించిన 'ఇదేం ఖర్మ మన రాష్ట్రానికి' కార్యక్రమంలో బొరగం శ్రీనివాసులు పాల్గొన్నారు.

ఈ కార్యక్రమంలో మాజీ మార్కెట్ కమిటీ చైర్మన్ పారేపల్లి రామారావు, యాగంటి హరిబాబు, మాజీ సర్పంచ్ మల్లవరపు త్రిమూర్తులు, పోలవరపు సిద్దారావు, ఏలూరు పార్లమెంట్ తెలుగుమహిళా అధ్యక్షురాలు చింతల వెంకటరమణ, నల్లురి రామకృష్ణ, నల్లురి సోమరాజు, కొడమంచిలి కృష్ణ, కూనపాం రామారావు, తెలుగుయువత ఏలూరు పార్లమెంట్ కార్యదర్శి నల్లూరి గోపికృష్ణ, టీఎన్ఎస్ఎఫ్ పార్లమెంట్ అధికార ప్రతినిధి పారేపల్లి పవన్ తదితరులు పాల్గొన్నారు.