Perni Nani : లోకేష్ ఆ వీడియోలు చూడాలి
ABN, First Publish Date - 2023-08-23T20:09:15+05:30
నారా లోకేష్ పాదయాత్ర(Nara Lokesh Padayatra) ఎలా చేయాలో దివంగత నేత రాజశేఖరరెడ్డి పాదయాత్ర వీడియోలు చూస్తే అర్థమవుతుందని మాజీ మంత్రి పేర్ని నాని(Perni Nani) అన్నారు.
తాడేపల్లి: నారా లోకేష్ పాదయాత్ర(Nara Lokesh Padayatra) ఎలా చేయాలో దివంగత నేత రాజశేఖరరెడ్డి పాదయాత్ర వీడియోలు చూస్తే అర్థమవుతుందని మాజీ మంత్రి పేర్ని నాని(Perni Nani) అన్నారు. బుధవారం ఆయన మీడియాతో మాట్లాడుతూ..‘‘యువగళం(Yuvagalam) పేరుతో లోకేష్ రాత్రుళ్లు పాదయాత్ర చేస్తున్నాడు. సాయంత్రం ఆరు గంటలకు ప్రారంభించి తెల్లవారుజామున ఒంటి గంట వరకు తిరుగుతున్నాడు.యువగళమా? యువ గంగాళమా?. పగలైతే ప్రజలు నిలదీస్తారని అర్థ రాత్రుళ్లు తిరుగుతున్నాడా??. యువగళం వల్ల పేదలకు కొంచెం మంచి జరుగుతోంది. యువగళానికి వచ్చినందుకు ప్రజలకు వెయ్యో, రెండు వేలో వస్తున్నాయి. గన్నవరం(Gannavaram)లో సభ పెట్టి ముఖ్యమంత్రిని, మా నాయకులను నోటికి వచ్చినట్లు బూతులు తిట్టారు. జుగుప్సాకరంగా, అసహ్యంగా మాట్లాడటమే టీడీపీ నాయకుల రాజకీయం’’ అని పేర్ని నాని నారా లోకేష్‌పై ఆగ్రహం వ్యక్తం చేశారు.
Updated Date - 2023-08-23T20:09:15+05:30 IST