IND vs SA: టాస్ మనదే.. టీమిండియా తుది జట్టు ఎలా ఉందంటే..?
ABN, First Publish Date - 2023-11-05T13:45:55+05:30
ప్రపంచకప్‌లో కీలకమైన సౌతాఫ్రికాతో మ్యాచ్‌లో టీమిండియా టాస్ గెలిచి మొదట బ్యాటింగ్ ఎంచుకుంది. టీమిండియా కెప్టెన్ రోహిత్ శర్మ కాయిన్ వేయగా సౌతాఫ్రికా కెప్టెన్ టెంబా బవుమా హెడ్స్ చెప్పాడు. కానీ కాయిన్ టేల్స్ పడింది.
కోల్‌కతా: ప్రపంచకప్‌లో కీలకమైన సౌతాఫ్రికాతో మ్యాచ్‌లో టీమిండియా టాస్ గెలిచి మొదట బ్యాటింగ్ ఎంచుకుంది. టీమిండియా కెప్టెన్ రోహిత్ శర్మ కాయిన్ వేయగా సౌతాఫ్రికా కెప్టెన్ టెంబా బవుమా హెడ్స్ చెప్పాడు. కానీ కాయిన్ టేల్స్ పడింది. దీంతో టాస్ గెలిచిన టీమిండియా కెప్టెన్ రోహిత్ శర్మ ముందుగా బ్యాటింగ్ చేస్తామని చెప్పాడు. కాగా ఈ మ్యాచ్‌లో టీమిండియా తమ తుది జట్టులో ఎలాంటి మార్పులు లేకుండా బరిలోకి దిగుతోంది. దీంతో గత మ్యాచ్‌లో ఆడిన జట్టుతో ఈ మ్యాచ్‌లోనూ ఆడనుంది. అటు సౌతాఫ్రికా మాత్రం తమ తుది జట్టులో ఒక మార్పు చేసింది. గెరాల్డ్ కోయెట్జీ స్థానంలో షంసీని తుది జట్టులోకి తీసుకుంది. కాగా ప్రస్తుతం పాయింట్ల పట్టికలో భారత్, సౌతాఫ్రికా టాప్ 2 స్థానాల్లో ఉన్నాయి. ఇప్పటివరకు ఆడిన 7 మ్యాచ్‌ల్లో అన్నీ గెలిచిన టీమిండియా 14 పాయింట్లతో అగ్రస్థానంలో ఉంది. ఏడింటిలో ఆరు గెలిచిన సౌతాఫ్రికా 12 పాయింట్లతో పాయింట్ల పట్టికలో రెండో స్థానంలో ఉంది.
తుది జట్లు
దక్షిణాఫ్రికా: క్వింటన్ డి కాక్(వికెట్ కీపర్), టెంబా బవుమా(కెప్టెన్), రాస్సీ వాన్ డెర్ డస్సెన్, ఐడెన్ మార్క్రామ్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహరాజ్, తబ్రైజ్ షమ్సీ, కగిసో రబడ, లుంగీ ఎంగిడి
భారత్: రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(వికెట్ కీపర్), సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్
రెండు జట్ల మధ్య గత హెడ్ టూ హెడ్ రికార్డులను ఒకసారి పరిశీలిస్తే భారత్, సౌతాఫ్రికా జట్లు వన్డే ఫార్మాట్లో ఇప్పటివరకు 90 మ్యాచ్‌ల్లో తలపడ్డాయి. అత్యధికంగా సౌతాఫ్రికా 50, భారత్ 37 మ్యాచ్‌ల్లో గెలిచాయి. 3 మ్యాచ్‌ల్లో ఫలితం తేలలేదు. ఇక వన్డే ప్రపంచకప్ చరిత్రలో రెండు జట్లు 5 సార్లు తలపడ్డాయి. భారత్ 2 మ్యాచ్‌ల్లో, సౌతాఫ్రికా 3 మ్యాచ్‌ల్లో గెలిచాయి. రెండు జట్ల మధ్య జరిగిన చివరి 2 ప్రపంచకప్ మ్యాచ్‌ల్లో భారత జట్టే గెలిచింది. అయితే 2011లో టీమిండియా ప్రపంచకప్ గెలిచినప్పటికీ లీగ్ దశలో సౌతాఫ్రికా చేతిలో ఓడిపోయింది.
Updated Date - 2023-11-05T13:49:00+05:30 IST