ODI World Cup: ప్రపంచకప్ షెడ్యూల్‌లో భారీ మార్పులు.. భారత్ vs పాకిస్థాన్‌తో పాటు ఏకంగా 9 మ్యాచ్‌లు రీషెడ్యూల్!
ABN, First Publish Date - 2023-08-09T18:11:09+05:30
అనుకున్నదే జరిగింది. వన్డే ప్రపంచకప్‌లో(ICC ODI World Cup 2023) భాగంగా అక్టోబర్ 15న జరగాల్సిన భారత్, పాకిస్థాన్ మ్యాచ్ షెడ్యూల్‌లో మార్పు చోటుచేసుకుంది. మ్యాచ్‌ను ఒక రోజు ముందుగా అంటే అక్టోబర్ 14న నిర్వహించనున్నట్లు ఐసీసీ(ICC) అధికారికంగా ప్రకటించింది.
దుబాయ్: అనుకున్నదే జరిగింది. వన్డే ప్రపంచకప్‌లో(ICC ODI World Cup 2023) భాగంగా అక్టోబర్ 15న జరగాల్సిన భారత్, పాకిస్థాన్ మ్యాచ్ షెడ్యూల్‌లో మార్పు చోటుచేసుకుంది. మ్యాచ్‌ను ఒక రోజు ముందుగా అంటే అక్టోబర్ 14న నిర్వహించనున్నట్లు ఐసీసీ(ICC) అధికారికంగా ప్రకటించింది. అయితే ఈ మార్పు ఒక భారత్, పాకిస్థాన్(India vs Pakistn) మ్యాచ్‌కే పరిమితం కాలేదు. ఏకంగా 9 మ్యాచ్‌ల షెడ్యూల్‌ను ఐసీసీ రీషెడ్యూల్ చేసింది. రీషెడ్యూల్ అయిన వాటిలో పాకిస్థాన్ జట్టువి అత్యధికంగా 3 మ్యాచ్‌లు ఉన్నాయి. ఆ తర్వాత భారత్, ఇంగ్లండ్ జట్లవి రెండేసి మ్యాచ్‌ల చొప్పున రీషెడ్యూల్ అయ్యాయి. భారత జట్టు లీగ్ స్టేజ్ చివరలో నెదర్లాండ్స్‌తో(India vs Netherlands) ఆడాల్సిన మ్యాచ్ షెడ్యూల్‌లో కూడా మార్పులు చోటు చేసుకున్నాయి. ఈ మ్యాచ్ నిజానికి నవంబర్ 11న జరగాల్సి ఉండగా.. తాజాగా నవంబర్ 12కు రీషెడ్యూల్ అయింది. కాగా ఐసీసీ తెలిపిన వివరాల ప్రకారం రీషెడ్యూల్ అయిన మ్యాచ్‌ల వివరాలు ఇలా ఉన్నాయి.
ఇంగ్లాండ్ vs బంగ్లాదేశ్ - అక్టోబర్ 10, 10:30 AM
పాకిస్తాన్ vs శ్రీలంక - అక్టోబర్ 10, 2 PM
ఆస్ట్రేలియా vs దక్షిణాఫ్రికా - గురువారం, అక్టోబర్ 12, 2 PM
న్యూజిలాండ్ vs బంగ్లాదేశ్ - శుక్రవారం, అక్టోబర్ 13, 2 PM
భారత్ vs పాకిస్థాన్ - శనివారం, అక్టోబర్ 14, 2 PM
ఇంగ్లాండ్ vs ఆఫ్ఘనిస్తాన్ - ఆదివారం, అక్టోబర్ 15, 2 PM
ఆస్ట్రేలియా vs బంగ్లాదేశ్ - శనివారం, నవంబర్ 11, 10:30 AM
ఇంగ్లండ్ vs పాకిస్థాన్ - శనివారం, నవంబర్ 11, 2 PM
ఇండియా vs నెదర్లాండ్స్ - ఆదివారం, నవంబర్ 12, 2 PM
Updated Date - 2023-08-09T18:12:18+05:30 IST