Telangana Results: రేవంత్‌ని కలిసిన డీజీపీ అంజనీ కుమార్

హైదరాబాద్ : తెలంగాణ ఎన్నికల ఫలితాల్లో ఏ పార్టీది విజయమనే విషయం దాదాపు స్పష్టంగా తేలినట్టే. కాంగ్రెస్ పార్టీకి స్పష్టమైన మెజారిటీ వస్తోంది. ఈ క్రమంలోనే టీపీసీసీ చీఫ్ రేవంత్ రెడ్డిని డీజీపీ అంజనీ కుమార్ కలిసి పుష్పగుచ్చం అందించి శుభాకాంక్షలు తెలిపారు. డీజీపీ వెంట సీఐడీ చీఫ్ మహేష్ భగవత్, సంజయ్ కుమార్ ఉన్నారు. కాంగ్రెస్‌కు మెజారిటీ స్పష్టమవుతోన్న తరుణంలో రేవంత్‌ ఇంటికి కాంగ్రెస్ పార్టీ కార్యకర్తలు పెద్ద ఎత్తున చేరుకుంటున్నారు. ఈ క్రమంలోనే ఆయన ఇంటి వద్ద పోలీసులు భద్రతను పెంచారు. ఇప్పటికే తెలంగాణలో కాంగ్రెస్ పార్టీ 68 స్థానాల్లో కాంగ్రెస్ పార్టీ ఆధిక్యంలో ఉండగా.. 4 స్థానాల్లో విజయం సాధించింది. బీఆర్ఎస్ పార్టీ 33 స్థానాల్లో ముందంజలో ఉంది. ఇక రేవంత్ రెడ్డి తాను పోటీ చేసిన రెండు స్థానాల్లో ఘన విజయం దిశగా దూసుకుపోతున్నారు.