Vijayashanthi: నిప్పులాంటి నిజం ఇలా వెలుగులీనుతూనే ఉంటుంది
ABN, First Publish Date - 2023-02-28T22:12:00+05:30
బీజేపీ (BJP) సీనియర్ నాయకురాలు విజయశాంతి (Vijayashanthi) విపక్షాలపై విమర్శనాస్త్రాలు ఎక్కుపెట్టారు.
హైదరాబాద్: బీజేపీ (BJP) సీనియర్ నాయకురాలు విజయశాంతి (Vijayashanthi) విపక్షాలపై విమర్శనాస్త్రాలు ఎక్కుపెట్టారు. కేంద్రంలోని బీజేపీ సర్కారుపై కాంగ్రెస్ (Congress) సహా విపక్షాలన్నీ ఏకమై ఎన్ని అసత్య ప్రచారాలు చేసినా నిప్పులాంటి నిజం వెలుగులీనుతూనే ఉంటుందనడానికి నిఖార్సైన ఉదాహరణగా నిలుస్తుందంటూ ఓ వీడియోను సోషల్ మీడియాలో షేర్ చేశారు. కాశ్మీరు(Kashmir)లో శాంతి లేదని.. ఆర్టికల్ 370 తొలగింపు తరువాత ఆ రాష్ట్రంలో ఇంకా హింస పెరిగిందని బీజేపీపై విపక్షాలు చేస్తున్న దుష్ప్రచారానికి సరైన జవాబు ఈ వీడియో అని చెప్పారు. కాంగ్రెస్ అగ్రనేత రాహుల్ గాంధీ(Rahul Gandhi) తన తల్లి సోనియా(Sonia Gandhi) గాంధీ, సోదరి ప్రియాంక(Priyanka Gandhi)తో అక్కడి మంచు కొండల్లో ఇంత సరదాగా ఆడుతూ పాడుతూ ఉన్నారంటే అందుకు కారణం ప్రధాని మోదీ నేతృత్వంలోని బీజేపీ సర్కారు తీసుకున్న చర్యలు కాదా అని ఆమె ప్రశ్నించారు. గతంలో అడుగడుగునా తుపాకీ తూటాలు, బాంబుల మోతతో అట్టుడికిపోయిన కాశ్మీరంలో శాంతి విరబూసిందనడానికి... స్వయంగా రాహుల్ ఆనందంగా గడిపిన ఈ వీడియో సాక్ష్యం కాదా అని రాములమ్మ ప్రశ్నించారు.
Updated Date - 2023-02-28T22:20:22+05:30 IST