CHANDRA BABU : నేడు అనంతకు చంద్రబాబు
ABN, Publish Date - May 04 , 2024 | 11:24 PM
టీడీపీ అధినేత, మాజీ ముఖ్యమంత్రి నారా చంద్రబాబునాయుడు ఆదివారం అనంతపురం నగరానికి వస్తున్నారు. సార్వత్రిక ఎన్నికల ప్రచారంలో భాగంగా నగరంలోని సప్తగిరి సర్కిల్లో ఏర్పాటు చేసిన ప్రజాగళం బహిరంగ సభకు హాజరవుతారు. శ్రీసత్యసాయి జిల్లా ధర్మవరం పట్టణంలో ఆదివారం ఉదయం 11 గంటల నుంచి 12 గంటల వరకూ నిర్వహించే ఎన్నికల బహిరంగ సభలో కేంద్ర హోంశాఖ మంత్రి అమితషాతో కలిసి చంద్రబాబు ...
సప్తగిరి సర్కిల్లో బహిరంగ సభ
అనంతపురం, మే 4(ఆంధ్రజ్యోతి): టీడీపీ అధినేత, మాజీ ముఖ్యమంత్రి నారా చంద్రబాబునాయుడు ఆదివారం అనంతపురం నగరానికి వస్తున్నారు. సార్వత్రిక ఎన్నికల ప్రచారంలో భాగంగా నగరంలోని సప్తగిరి సర్కిల్లో ఏర్పాటు చేసిన ప్రజాగళం బహిరంగ సభకు హాజరవుతారు. శ్రీసత్యసాయి జిల్లా ధర్మవరం పట్టణంలో ఆదివారం ఉదయం 11 గంటల నుంచి 12 గంటల వరకూ నిర్వహించే ఎన్నికల బహిరంగ సభలో కేంద్ర హోంశాఖ మంత్రి అమితషాతో కలిసి చంద్రబాబు పాల్గొంటారు. అనంతరం అన్నమయ్య జిల్లా అంగళ్లులో ఏర్పాటు చేసిన ప్రజాగళం బహిరంగ సభలో చంద్రబాబు పాల్గొంటారు. అనంతరం అక్కడి నుంచి
హెలిక్యాఫ్టర్‌లో బయలుదేరి సాయంత్రం 5.35 గంటలకు అనంతపురం నగరశివారు ప్రాంతం ప్రసన్నాయపల్లి సమీపంలోని అయ్యప్పస్వామి దేవాలయం సమీపంలో ఏర్పాటు చేసిన హెలిప్యాడ్‌కు చేరుకుంటారు. సాయంత్రం 6 గంటల నుంచి 7.30 గంటల వరకూ సప్తగిరి సర్కిల్లో ఏర్పాటు చేసిన ప్రజాగళం బహిరంగ సభలో చంద్రబాబు మాట్లాడతారు. అనంతరం ఆ రాత్రికి బళ్లారి రోడ్డులోని ఎంవైఆర్‌ కళ్యాణమండపంలో చంద్రబాబు బస చేస్తారు. చంద్రబాబు అనంతపురం నగరానికి వస్తున్న నేపథ్యంలో... ఆ పార్టీ జిల్లా ముఖ్య నేతలు, కూటమి టీడీపీ ఎమ్మెల్యే అభ్యర్థి దగ్గుబాటి వెంకటేశ్వరప్రసాద్‌, ఎంపీ అభ్యర్థి అంబికా లక్ష్మినారాయణ బహిరంగ సభ ఏర్పాట్లల్లో నిమగ్నమయ్యారు.
మరిన్ని అనంతపురం వార్తల కోసం....
Updated Date - May 04 , 2024 | 11:25 PM
