Tirumala: తిరుమలలో మహిళకు ఊహించని ఘటన..
ABN , Publish Date - Jul 12 , 2024 | 11:57 AM
తిరుమలలో ఓ మహిళకు ఊహించని ఘటన ఎదురైంది. రెప్పపాటులో ఆమెకు చావైతే తప్పింది కానీ వెన్నుముక మాత్రం విరిగిపోయింది. అసలేం జరిగిందంటే.. తిరుమల శ్రీవారిని దర్శించుకుని మొక్కులు తీర్చుకున్న అనంతరం..
తిరుమల: అఖిలాండ కోటి బ్రహ్మాండ నాయకుడు కొలువైన తిరుమల (Tirumala) శ్రీవారి సన్నిధిలో ఓ మహిళకు ఊహించని ఘటన ఎదురైంది..! రెప్పపాటులో ఆమెకు చావైతే తప్పింది కానీ వెన్నుముక మాత్రం విరిగిపోయింది..! అసలేం జరిగిందంటే.. తిరుమల శ్రీవారిని దర్శించుకుని మొక్కులు తీర్చుకున్న అనంతరం అక్కడే ఉన్న ఇతర ఆలయాలను సైతం భక్తులు దర్శించుకుంటూ ఉంటారు. తిరుమల కొండపై జాపాలి తీర్థం ఉంది. అది ప్రకృతి రమణీయతకు ఆనవాలుగా ఉంటుంది. అక్కడ శ్రీ ఆంజనేయ స్వామి కొలువై ఉంటాడు. ఆయనను దర్శించుకుంటే మనకు కష్టాలను ఎదుర్కొనే శక్తి వస్తుందని నమ్మకం.
ఈ క్రమంలోనే తిరుమలకు వెళ్లినవారు తప్పని సరిగా జాపాలి తీర్థానికి వెళుతుంటారు. ఇవాళ కూడా ఎప్పటి మాదిరిగానే భక్తులు జాపాలి తీర్థానికి వెళ్లారు. అక్కడ స్వామివారి దర్శనానికి వెళుతుండగా.. పై నుంచి చెట్టు ఒక్కసారిగా కొమ్మ విరిగి మహిళపై పడింది. ఈ ఊహించని ఈ ఘటనతో సదరు మహిళ కుప్పకూలిపోయింది. దీంతో ఆమె వెన్నుముకకు తీవ్ర గాయమైనట్టు తెలుస్తోంది. ప్రస్తుతం ఆమె ఆసుపత్రిలో చికిత్స పొందుతోంది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
ఇవి కూడా చదవండి..
Landslides: కొండచరియలు విరిగిపడి, నదిలో పడ్డ 2 బస్సులు.. 63 మంది గల్లంతు
Arvind Kejriwal: సుప్రీంలో కేజ్రీవాల్‌కు బెయిల్
Read Latest AP News AND Telugu News
