Life Certificate 2024: మీ పెన్షన్ ఆగకూడదంటే ఇలా చేయండి.. కొన్ని రోజులే గడువు..

పదవీ విరమణ పొందిన కేంద్ర ప్రభుత్వ ఉద్యోగులు సకాలంలో పెన్షన్ పొందడానికి, వారు ప్రతి సంవత్సరం నవంబర్ నెలలో లైఫ్ సర్టిఫికేట్‌ను సమర్పించాలి. ఇందుకోసం దేశవ్యాప్తంగా డిజిటల్ లైఫ్ సర్టిఫికెట్ క్యాంపెయిన్ 3.0 కొనసాగుతోంది. పెన్షనర్ల సంక్షేమ శాఖ నవంబర్ 1వ తేదీ నుంచి డిజిటల్ లైఫ్ సర్టిఫికేట్ ప్రచారాన్ని ప్రారంభించింది. ఇది నవంబర్ 30 వరకు కొనసాగుతుంది. దేశవ్యాప్తంగా 800 నగరాలు, జిల్లాల్లో ఈ ప్రచారం నిర్వహిస్తున్నారు. ఇది ఇప్పటి వరకు అతిపెద్ద డిజిటల్ లైఫ్ సర్టిఫికేట్ (DLC) ప్రచారంగా ప్రభుత్వం చెబుతోంది.

ఎలా పనిచేస్తుందంటే..

ఇది పెన్షన్ డిస్బర్సింగ్ బ్యాంక్‌లు, ఇండియా పోస్ట్ పేమెంట్స్ బ్యాంక్, పెన్షనర్స్ వెల్ఫేర్ అసోసియేషన్స్, CGDA, డిపార్ట్‌మెంట్ ఆఫ్ టెలికమ్యూనికేషన్స్, రైల్వేస్, UIDAI, మినిస్ట్రీ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ సహకారంతో నిర్వహించబడుతోంది. దేశంలోని మారుమూల ప్రాంతాల్లో ఉన్న పింఛనుదారులందరినీ చేరవేయడమే దీని లక్ష్యం. ఫేస్ అథెంటికేషన్ టెక్నాలజీని ప్రోత్సహించడం ద్వారా దీనిని సులభంగా ఉపయోగించవచ్చు. ఈ ప్రచార సమయంలో ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ, UIDAI సాంకేతిక సహాయాన్ని అందిస్తాయి.

జీవన్ ప్రమాణ్

వృద్ధుల పింఛనుదారులకు ముఖ ప్రామాణీకరణ స్వీకరిస్తారు. దీన్ని ఆండ్రాయిడ్‌తో పాటు ఐఓఎస్‌లో కూడా ఉపయోగించవచ్చు. నవంబర్ 1, 2024 సాయంత్రం వరకు మొత్తం 1.81 లక్షల డిజిటల్ లైఫ్ సర్టిఫికేట్‌లను సిద్ధం చేసినట్లు పర్సనల్, పబ్లిక్ గ్రీవెన్స్ పెన్షన్ల మంత్రిత్వ శాఖ తెలిపింది. వాస్తవానికి 80 ఏళ్లు పైబడిన పింఛనుదారుల సౌకర్యార్థం అక్టోబర్ నెల నుంచే లైఫ్ సర్టిఫికేట్ సమర్పించే ప్రక్రియ మొదలైంది. జీవన్ ప్రమాణ్ అనేది పెన్షనర్‌ల కోసం బయోమెట్రిక్ వివరాలు ప్రారంభించబడిన ఆధార్ కార్డ్ నంబర్ ఆధారిత డిజిటల్ లైఫ్ సర్టిఫికేట్ (DLC).

ప్రతి సంవత్సరం

ప్రతి పెన్షనర్ తన ఆధార్ నంబర్, బయోమెట్రిక్ వివరాల సహాయంతో లైఫ్ సర్టిఫికేట్ అంటే DLCని రూపొందించుకోవచ్చు. ఇది చెల్లుబాటు అయ్యే జీవిత ధృవీకరణ పత్రం. దీనిని IT చట్టం క్రింద గుర్తించారు. పెన్షనర్లు పెన్షన్ పొందడం కొనసాగించాలంటే, సంవత్సరానికి ఒకసారి లైఫ్ సర్టిఫికేట్ సమర్పించడం అవసరం. ఈ సర్టిఫికేట్ పెన్షనర్‌లు తమ పెన్షన్‌ను జారీ చేసే సంస్థకు వారు సజీవంగా ఉన్నారని నిరూపించడానికి సహాయపడుతుంది.

ఇంట్లోనే కూర్చుని..

ప్రస్తుతం లైఫ్ సర్టిఫికెట్‌ను సమర్పించడం చాలా సులభం. ఫేస్ అథెంటికేషన్ టెక్నాలజీ ద్వారా ఎవరైనా తమ లేదా ఇంట్లో కూర్చున్న వారి సన్నిహితుల లైఫ్ సర్టిఫికేట్‌ను సమర్పించవచ్చు. దీని కోసం ఆండ్రాయిడ్ స్మార్ట్‌ఫోన్, ఇంటర్నెట్ కనెక్టివిటీ కలిగి ఉండటం అవసరం. అందుకోసం స్మార్ట్‌ఫోన్‌లో 5MP ఫ్రంట్ కెమెరా ఉండాలి. ఫేస్ అథెంటికేషన్ టెక్నాలజీ ద్వారా డిజిటల్ లైఫ్ సర్టిఫికెట్‌ను సమర్పించే పద్ధతులను ఇక్కడ తెలుసుకుందాం.

అర్హతలు

• ఒక వ్యక్తికి కింది అర్హత షరతులను ఉన్నట్లైతే జీవన్ ప్రమాణ్ సౌకర్యాలను పొందవచ్చు

• ఆ వ్యక్తి తప్పనిసరిగా పెన్షనర్ అయి ఉండాలి

• అతను రిటైర్డ్ ప్రభుత్వ ఉద్యోగి అయి ఉండాలి (కేంద్ర ప్రభుత్వం, రాష్ట్ర ప్రభుత్వం లేదా ఇతర ప్రభుత్వ సంస్థ)

• అతనికి చెల్లుబాటు అయ్యే ఆధార్ నంబర్ ఉండాలి

• పింఛను పంపిణీ చేసే ఏజెన్సీలో ఆధార్ నంబర్ నమోదు చేసుకోవాలి

ఎలాగంటే..

• ముందుగా బ్యాంక్ లేదా పోస్టాఫీసు వంటి పెన్షన్ జారీ చేసే సంస్థలో నమోదు చేసుకున్న ఆధార్ నంబర్‌ను సిద్ధంగా ఉంచుకోండి

• ఇప్పుడు మీ ఫోన్‌లో Google Play Store నుంచి ‘AadhaarFaceRD’, ‘Jevan Pramaan Face App’ని డౌన్‌లోడ్ చేయండి

• జీవన్ ప్రమాణ్ ఫేస్ యాప్ బ్యాక్‌గ్రౌండ్ సపోర్ట్ కోసం ఆధార్‌ఫేస్‌ఆర్‌డీ యాప్ అవసరం

• మీ ఫోన్‌లో ఇన్‌స్టాల్ చేసిన తర్వాత ఇతర యాప్‌ల మాదిరిగా ఆధార్‌ఫేస్‌ ఆర్‌డీ యాప్ చిహ్నం కనిపించదు

• ఆ తర్వాత జీవన్ ప్రమాణ్ ఫేస్ యాప్‌ను తెరవండి.

• ఇప్పుడు ఆపరేటర్‌గా మారాలంటే ఆధార్ నంబర్, లైవ్ ఫోటో అవసరం

• లైఫ్ సర్టిఫికేట్ సమర్పించాల్సిన పెన్షనర్ లేదా ఎవరైనా ఆపరేటర్ కావచ్చు

• అవసరమైన సమాచారాన్ని పూరించడం ద్వారా ఆపరేటర్‌గా మారే ప్రక్రియను పూర్తి చేయండి

• ఆ తరువాత పెన్షనర్ జీవిత ధృవీకరణ పత్రాన్ని రూపొందించడానికి అడిగిన సమాచారాన్ని ఇవ్వండి

• ముందు కెమెరా నుంచి పెన్షనర్ ఫోటోను క్యాప్చర్ చేసిన తర్వాత సమర్పించండి

• లైఫ్ సర్టిఫికేట్ డౌన్‌లోడ్ చేసుకోవడానికి లింక్‌తో కూడిన SMS పెన్షనర్ మొబైల్ నంబర్, ఇమెయిల్ IDకి పంపబడుతుంది

• పైన పేర్కొన్న అన్ని దశలను అనుసరించడం ద్వారా ఎవరైనా ఫేస్ అథెంటికేషన్ టెక్నాలజీ ద్వారా లైఫ్ సర్టిఫికేట్‌ను సులభంగా సమర్పించవచ్చు

• లైఫ్ సర్టిఫికేట్ (డిజిటల్ లైఫ్ సర్టిఫికేట్) పొందాలంటే ఆధార్ నంబర్ లేదా VID కలిగి ఉండటం తప్పనిసరి

• నవంబర్‌లోగా లైఫ్‌ సర్టిఫికెట్‌ సమర్పించకుంటే డిసెంబర్‌, ఆ తర్వాత మీకు పింఛన్‌ లభించదు

ఇవి కూడా చదవండి:

Stock Markets: పెట్టుబడిదారులకు షాక్.. సెన్సెక్స్, నిఫ్టీ ఎంత నష్టపోయాయంటే..

Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Read More Business News and Latest Telugu News