Hyderabad: నిర్లక్ష్యానికి నిండుప్రాణం బలి..

- రోడ్డు దాటుతున్న విద్యార్థినిని ఢీకొట్టిన బైక్‌

- తీవ్రగాయాలతో యువతి దుర్మరణం

దిల్‌సుఖ్‌నగర్‌(హైదరాబాద్): బైక్‌ అతివేగం, నిర్లక్ష్య డ్రైవింగ్‌ ఓ డిప్లొమా విద్యార్థిని నిండు ప్రాణాన్ని బలిగొంది. అప్పుడే ఇంట్లో బైబై చెప్పి కాలేజీకి వెళ్తున్న కూతురు రోడ్డు ప్రమాదంలో మృతిచెందిందన్న వార్తను తల్లిదండ్రులు జీర్ణించుకోలేకపోతున్నారు. సరూర్‌నగర్‌ ఇన్‌స్పెక్టర్‌ సైదిరెడ్డి(Saroornagar Inspector Saidi Reddy) తెలిపిన వివరాల ప్రకారం.. నాగర్‌కర్నూలు జిల్లా బల్మూరు మండలం పోలెపల్లికి చెందిన లోకేశ్‌ కుటుంబంతో కలిసి బతుకుదెరువు కోసం నగరానికి వలసొచ్చి కర్మన్‌ఘాట్‌ న్యూమారుతీనగర్‌(Karmanghat New Maruti Nagar)లో నివాసముంటున్నారు.

ఈ వార్తను కూడా చదవండి: Trains: కొన్ని రైళ్లు రద్దు.. మరికొన్ని దారి మళ్లింపు.. కారణం ఏంటంటే..

లోకేష్‌ మేస్ర్తీగా పనిచేస్తూ కుటుంబాన్ని పోషిస్తున్నాడు. ఆయన కుమార్తె త్రిష (20) నాదర్‌గుల్‌ మాతృశ్రీ ఇంజనీరింగ్‌ కాలేజీలో డిప్లొమా మూడో సంవత్సరం చదువుతోంది. బుధవారం ఉదయం కాలేజీకని బయల్దేరి మందమల్లమ్మ చౌరస్తా వద్ద రోడ్డు దాటుతుండగా వేగంగా వచ్చిన బైక్‌ ఆమెను బలంగా ఢీకొట్టడంతో కారుపై పడింది. తీవ్రగాయాలపాలై రక్తస్రావం కావడంతో త్రిష ఘటనా స్థలంలోనే మృతి చెందింది.

తల్లిదండ్రులకు కడుపుకోత

ఇంట్లో నుంచి వెళ్లిన అరగంటలోపే కూతురు మృతి చెందిందన్న వార్త తెలిసి తల్లిదండ్రులు షాక్‌కు గురయ్యారు. చదువుల్లో రాణిస్తున్న కూతురు తమను విడిచి పోయిందని, గర్బశోకం మిగిల్చిందంటూ ఘటనా స్థలంలో రోదించడం స్థానికులను కంటతడి పెట్టించింది.

ఈవార్తను కూడా చదవండి: KTR: కొడంగల్‌ నుంచే రేవంత్‌ భరతం పడతాం

ఈవార్తను కూడా చదవండి: దాడిని ప్రోత్సహించిన వారిని వదిలిపెట్టం

ఈవార్తను కూడా చదవండి: తండ్రిని పట్టించుకోని కొడుక్కి తగిన శాస్తి

ఈవార్తను కూడా చదవండి: రేవంత్ రెడ్డి బ్లాక్ మెయిల్ రాజకీయాలకు పాల్పడుతున్నారు

Read Latest Telangana News and National News