Rain Alert: హైదరాబాద్‌లో భారీ వర్షం.. రెడ్ అలర్ట్..
ABN, Publish Date - Aug 20 , 2024 | 12:42 PM
హైదరాబాద్: భాగ్యనగరంలో వర్షాలు దంచికొడుతున్నాయి. మంగళవారం తెల్లవారుజాము నుంచి కుండపోత వర్షం కురుస్తోంది. ఎడతెరిపిలేకుండా వాన కురుస్తుండడంతో ప్రజలు తీవ్ర ఇబ్బందులు ఎదుర్కొంటున్నారు. వాగులు, వంకలు పొంగిపొర్లుతున్నాయి. లోతట్టు ప్రాంతాలు జలమయం అయ్యాయి. రోడ్లు చెరువులను తలపిస్తున్నాయి. దీంతో జీహెచ్ఎంసీ అధికారులు రెడ్ అలర్టు ప్రకటించారు. అవసరం అయితే తప్ప ప్రజలు ఎవరూ బయకు రావద్దని అధికారులు హెచ్చరికలు జారీ చేశారు. మరోవైపు భారీ వర్షాల కారణంగా నగరంలోని మూసారంబాగ్ బ్రిడ్జి ప్రమాదకరంగా మారింది. ఎగువ ప్రాంతాల నుంచి మూసికి వరద పోటెత్తుతోంది.
హైదరాబాద్‌లో నిన్నటి నుంచి వర్షం దంచికొడుతునే ఉంది. భారీ వర్షంతో పలు ప్రాంతాలు జలమయం అయ్యాయి. లోతట్టు ప్రాంతాలు నీట మునగడంతో ప్రజలు తీవ్ర ఇబ్బందులు పడుతున్నారు.
భారీ వర్షాల కారణంగా నగరంలోని మూసారంబాగ్ బ్రిడ్జి ప్రమాదకరంగా మారిన దృశ్యం..
హైదరాబాద్‌లో కుండపోతగా కురిసిన వర్షానికి షేక్‌పేట నాలా వద్ద ప్రధానరహదారిలో వరద నీటిలో సగానికిపైగా మునిగిన కార్లు..
నగరంలోని కురుసిన భారీ వర్షానికి రహదారిపై నిలిచిన నీరు.. ఇబ్బందులు పడుతున్న వాహనదారులు..
నగరంలో మంగళవారం తెల్లవారుజామున కురిసిన వర్షానికి గోల్నాక వద్ద నిలిచిన నీరు..
నిజామాబాద్ జిల్లా కేంద్రంలో కుండపోతగా వర్షం.. చెరువును తలపిస్తున్న రోడ్డు..
నిజామాబాద్ జిల్లా కేంద్రంలో కురుస్తున్న భారీ వర్షానికి రోడ్డుపై సగం వరకు మునిగిన బస్సు.. ప్రయాణీకులను సురక్షితంగా కాపాడిన పోలీస్ సిబ్బంది.
భారీ వర్షానికి రోడ్డుపై వరదనీరు నిలిచిపోవడంతో ఇబ్బందులు పడుతున్న జనాలు..
భారీ వర్షానికి వరద నీరు రోడ్డుపై నిలిచిపోవడమే కాకుండా.. ఇళ్లల్లోకి ప్రవేశించిన దృశ్యం.. ఇబ్బందులు పడుతున్న జనాలు..
Updated Date - Aug 20 , 2024 | 12:42 PM
