IPL 2025 Mega Auction: ఐపీఎల్ ఆక్షన్‌లో సంచలనం.. 13 ఏళ్ల బాలుడికి జాక్‌పాట్

Vaibhav Suryavanshi: బీసీసీఐకి బంగారు బాతులా తయారైన ఇండియన్ ప్రీమియర్ లీగ్ వల్ల బోర్డుతో పాటు ఆటగాళ్లకు కూడా ఎంతో మేలు జరిగింది. క్యాష్ రిచ్ లీగ్ వల్ల టీమిండియాకు ఆడే ప్లేయర్లతో పాటు డొమెస్టిక్ క్రికెటర్స్‌ మీద కాసుల వర్షం కురిసింది. కొందరు అనామకులు కూడా లీగ్ వల్ల వెలుగులోకి వచ్చారు. ఐపీఎల్ వల్ల రాత్రికి రాత్రే కోటీశ్వరులైన వాళ్లు కూడా ఉన్నారు. ఈ జాబితాలోకి మరొకరు చేరారు. ఓ 13 ఏళ్ల బాలుడి మీద కోట్ల వర్షం కురిసింది. లీగ్ పుణ్యాన చిన్న వయసులోనే అతడు కోటీశ్వరుడైపోయాడు. ఎవరా బుడతడు? అతడ్ని ఏ టీమ్‌ ఎంత ధర పెట్టి తీసుకుందో ఇప్పుడు చూద్దాం..

పట్టు వదలని రాజస్థాన్

ఐపీఎల్ ఆక్షన్‌లో అత్యంత పిన్న వయస్కుడు వైభవ్ సూర్యవంశీ భారీ ధరకు అమ్ముడుబోయాడు. రూ.1.10 కోట్లకు అతడ్ని సొంతం చేసుకుంది రాజస్థాన్ రాయల్స్. అనుకున్న ధర కంటే భారీ ధరకే అమ్ముడుపోయాడు వైభవ్. అతడి బేస్ ప్రైజ్ రూ.30 లక్షలు కాగా.. రాజస్థాన్‌తో పాటు ఢిల్లీ క్యాపిటల్స్ ఫ్రాంచైజీ కూడా పోటీపడటంతో మంచి ధర పలికాడు. అయితే పోటీ నెలకొన్నా రాజస్థాన్ మాత్రం పట్టు వీడలేదు. ఆఖరుకు కోటీ పది లక్షలు చెల్లించి అతడ్ని దక్కించుకుంది. దీంతో వచ్చే ఏడాది సంజూ శాంసన్ కెప్టెన్సీలో ఈ యంగ్ బ్యాటర్ ఐపీఎల్‌‌లో ఆడనున్నాడు.

రంజీల్లోనూ డెబ్యూ

వైభవ్ సూర్యవంశీ గతంలో ఆస్ట్రేలియా అండర్-19 టీమ్‌పై ఆడాడు. ఆ మ్యాచ్‌లో 82 పరుగులు చేసి అందరి దృష్టిని ఆకర్షించాడు. 2023-24 రంజీ ట్రోఫీలోనూ అతడు ఆడాడు. ముంబైపై మ్యాచ్‌లో అతడు డెబ్యూ ఇచ్చాడు. ఆ తర్వాత యూత్ టెస్ట్ సిరీస్‌లో ఆడి మంచి గుర్తింపు సంపాదించాడు. అతడి బ్యాటింగ్ టాలెంట్ చూసి ఢిల్లీ, రాజస్థాన్ జట్లు తీసుకోవడానికి పోటీపడ్డాయి. చాలా మంది సీనియర్ ఆటగాళ్లు ఆక్షన్‌లో అన్‌సోల్డ్‌గా మిగిలారు. కొందరు స్టార్ ప్లేయర్లు రెండు నుంచి మూడు కోట్ల ధరకే అమ్ముడుబోయారు. ఆ లెక్కన చూసుకుంటే వైభవ్ రూ.1.10 కోట్లు దక్కించుకోవడం గొప్ప విషయమనే చెప్పాలి.

Also Read:

ఆ కుర్రాడ్ని వదలని ప్రీతి జింటా.. కోట్లు పోసి మరీ కొనుక్కుంది

కుమ్మక్కైన ఆర్సీబీ-ముంబై.. ఎంతకు తెగించార్రా..

చరిత్ర సృష్టించిన టీమిండియా.. ఒక్క గెలుపుతో 5 రికార్డులు బ్రేక్

For More Sports And Telugu News