KL Rahul: శుభవార్త చెప్పిన కేఎల్ రాహుల్ జంట.. ఖుషీలో అభిమానులు

ముంబై: భారత క్రికెటర్ కేఎల్ రాహుల్ దంపతులు శుభవార్త చెప్పారు. త్వరలోనే తాము తల్లిదండ్రులం కాబోతున్నట్టుగా సోషల్ మీడియాలో ప్రకటించారు. వచ్చే ఏడాది తమ ఇంటికి ఓ బుజ్జి పాపాయి రాబోతుందని ఈ క్యూట్ కపుల్ ప్రకటించారు. రాహుల్ భార్య అతియా శెట్టి సైతం తాను ప్రెగ్నెంట్ అని పోస్ట్ చేసింది. ‘‘మాకు త్వరలోనే బ్యూటీఫుల్ బ్లెస్సింగ్ రాబోతోంది. 2025 అనే క్యాప్షన్ తోపాటు పక్కనే చిన్ని చిన్న పాదాలున్న ఎమోజీని షేర్ చేసింది.

హీరో కుమార్తెతో పెళ్లి..

బాలీవుడ్ నటుడు సునీల్ శెట్టి కుమార్తె, నటి అతియా శెట్టిని కేఎల్ రాహుల్ గతేడాది వివాహం చేసుకున్న సంగతి తెలిసిందే. ఈ జంటకు సోషల్ మీడియాలో పెద్ద ఎత్తున అభినందనలు వెల్లువెత్తుతున్నాయి. సినీ, క్రికెట్ వర్గాల నుంచే కాకుండా అభిమానులు కూడా ఈ జంటకు కంగ్రాట్స్ చెప్తూ కామెంట్లు చేస్తున్నారు. ఇటీవల క్రికెట్ నుంచి కాస్త బ్రేక్ తీసుకున్న రాహుల్ ప్రస్తుతం బోర్డర్ గవాస్కర్ ట్రోఫీ కోసం కసరత్తులు మొదలుపెట్టాడు. ఈ సమయంలో ఇలాంటి గుడ్ న్యూస్ వినిపించడంతో అతడి ఫ్యాన్స్ హర్షం వ్యక్తం చేస్తున్నారు.

డేటింగ్ తో మొదలై పెళ్లి పీటలదాకా..

రాహుల్, అతియా శెట్టి పెళ్లి జరిగి ఏడాదే గడుస్తున్నా.. వీరిద్దరూ 2019 నుంచే డేటింగ్ లో ఉన్నట్టు వార్తలు వచ్చాయి. అయితే ఈ విషయం చాలాకాలం పాటు సీక్రెట్ గానే ఉంచినప్పటికీ అప్పుడప్పుడూ వీరిద్దరూ కలిసి పార్టీల్లో కనిపించి హాట్ టాపిక్ అయ్యేవారు. ఓ కామన్ ఫ్రెండ్ ద్వారా ఏర్పడిన పరిచయం వీరిద్దరిని పెళ్లి పీటలదాకా నడిపించింది.

పూర్ ఫామ్ తో తంటాలు..

కేఎల్ రాహుల్ కొంతకాలంగా ఫామ్ ను అందుకోవడంలో ఇబ్బందిపడుతున్నాడు. ప్రస్తుతం ఈ క్రికెటర్ ఆసిస్ పర్యటనలో ఉన్నాడు. న్యూజిలాండ్ తో జరిగిన మూడు టెస్టుల సిరీస్ లోనూ రాహుల్ దారుణంగా విఫలమయ్యాడు. ఈ సారి ఎలాగైనా గెలవాలనే కసితో కాస్త ముందుగానే ఆస్ట్రేలియా చేరుకుని మ్యాచ్ కోసం సంసిద్ధమవుతున్నాడు.

Also Read:

పరువు తీసుకున్న రాహుల్.. వెళ్లి రంజీలు ఆడుకో పో..

ఆస్ట్రేలియాకు బిగ్ షాక్.. ఇలాంటి ఆట పాక్‌కే సాధ్యం

కుర్రాళ్లు కుమ్మేస్తారా?

For More Sports And Telugu News