IPL 2024: ఐపీఎల్ మూడ్‌లోకి రోహిత్, కోహ్లీ.. ఎంట్రీ అదిరిపోయింది!
ABN, Publish Date - Mar 18 , 2024 | 09:19 PM
ఇండియన్ ప్రీమియర్ లీగ్ 2024కు అంతా సిద్ధమైంది. ఈ శుక్రవారం నుంచే మెగా లీగ్ ప్రారంభంకాబోతుంది. తొలి మ్యాచ్‌లో డిఫెండింగ్ ఛాంపియన్ చెన్నైసూపర్ కింగ్స్‌తో రాయల్ చాలెంజర్స్ బెంగళూరు తలపడనుంది. అన్ని ఫ్రాంచైజీలు టోర్నీ కోసం సిద్ధమవుతున్నాయి. ఇప్పటికే జట్లన్నీ ప్రాక్టీస్ సెషన్‌లు ప్రారంభించాయి.
ముంబై: ఇండియన్ ప్రీమియర్ లీగ్ 2024కు అంతా సిద్ధమైంది. ఈ శుక్రవారం నుంచే మెగా లీగ్ ప్రారంభంకాబోతుంది. తొలి మ్యాచ్‌లో డిఫెండింగ్ ఛాంపియన్ చెన్నైసూపర్ కింగ్స్‌తో రాయల్ చాలెంజర్స్ బెంగళూరు తలపడనుంది. అన్ని ఫ్రాంచైజీలు టోర్నీ కోసం సిద్ధమవుతున్నాయి. ఇప్పటికే జట్లన్నీ ప్రాక్టీస్ సెషన్‌లు ప్రారంభించాయి. ఆటగాళ్లంతా తమ తమ జట్ల క్యాంపుల్లో చేరి ప్రాక్టీస్ మొదలుపెట్టేశారు. సోమవారం టీమిండియా కెప్టెన్ రోహిత్ శర్మ, విరాట్ కోహ్లీ కూడా తమ తమ జట్ల క్యాంపుల్లో చేరిపోయారు. దీంతో ఈ సీనియర్ ఆటగాళ్లిద్దరూ ఐపీఎల్ మూడ్‌లోకి వచ్చేశారు. రోహిత్ శర్మ ముంబైలోని జట్టు హోటల్‌కు చేరుకున్నాడు. ఈ విషయాన్ని ముంబై ఇండియన్స్ మేనేజ్‌మెంట్ తమ ఎక్స్ ఖాతా ద్వారా అభిమానులతో పంచుకుంది. రోహిత్ శర్మ జట్టులో చేరుతున్న ఒక వీడియోను కూడా విడుదల చేసింది. సినిమా బ్యాక్ గ్రౌండ్‌తోపాటు ఇద్దరు చిన్న పిల్లల మాటల రూపంలో సూపర్ ఎలివేషన్స్‌తో ఈ వీడియోను రూపొందించారు. వీడియోలో ఇద్దరు పిల్లలు రోహిత్ శర్మ ముంబై జట్టులో చేరడం గురించి మాట్లాడుకుంటూ ఉంటారు. బాగా వైరలైన రోహిత్ శర్మ స్టంప్ మైక్ డైలాగ్ లు 'గార్డెన్ మే ఘుమ్నా నహీ హై', 'జ్యదా హీరో నహీ బన్నె కా', 'భాగ్ పుజ్జీ భాగ్' వంటి డైలాగ్ లు పిల్లలు చెప్పడం గమనార్హం. అలాగే 'పుల్ షాట్ కా మాస్టర్', 'ముంబై కా రాజా' అంటూ రోహిత్ గురించి గొప్పగా మాట్లాడుకుంటారు.
ఇంతలోనే రోహిత్ శర్మ స్టైలీష్‌గా కారు నుంచి ఎంట్రీ ఇస్తాడు. టీం హాటల్ గదికి చేరుకుంటాడు. వీడియోలో రోహిత్ స్టైలీష్‌ లుక్ ఆకట్టుకుంది. ఈ వీడియోను ఎక్స్‌లో షేర్ చేసిన ముంబై యాజమాన్యం "వో ఆ గయా.. రో ఆ గయా!ష అని ట్వీట్ చేసింది. ప్రస్తుతం సోషల్ మీడియాలో ఈ వైరల్‌గా మారింది. కాగా రోహిత్ శర్మ కెప్టెన్సీలో ముంబై ఇండియన్స్ 5 ట్రోఫీలు గెలిచిన సంగతి తెలిసిందే. కానీ ఈ సీజన్‌లో ముంబై కెప్టెన్‌గా హార్దిక్ పాండ్యా వ్యవహరించనున్నాడు. మరోవైపు రెండో ప్రసవం కారణంగా జనవరి నుంచి క్రికెట్‌కు దూరంగా ఉన్న విరాట్ కోహ్లీ కూడా సోమవారం ఐపీఎల్ మూడ్‌లోకి వచ్చేశాడు. తన జట్టు రాయల్ చాలెంజర్స్ బెంగళూరులో చేరిపోయాడు. ఇందుకు సంబంధించిన వీడియో బెంగళూరు యాజమాన్యం తమ ఎక్స్ ఖాతా ద్వారా అభిమానులతో పంచుకుంది. "డాడీస్ హోమ్. అతను మళ్లీ రాజ్యమేలడానికి సిద్ధంగా ఉన్నాడు! విరాట్ కోహ్లీ నమ్మ బెంగళూరుకు వచ్చాడు. మేము సంతోషంగా ఉన్నాం" అని ట్వీట్‌లో పేర్కొంది. ఇక తిరిగి రావడం నిజంగా చాలా బాగుందని విరాట్ కోహ్లీ కూడా సదరు వీడియోలో మాట్లాడాడు. ఐపిఎల్ కోసం బెంగుళూరుకు తిరిగి రావడం ఎల్లప్పుడూ ఉత్సాహంగా ఉంటుందని పేర్కొన్నాడు. అభిమానులందరూ కూడా ఉత్సాహంగా, సంతోషంగా ఉన్నారని తాను ఆశిస్తున్నట్టు చెప్పాడు. ఈ వీడియో ప్రస్తుతం సోషల్ మీడియాలో వైరల్ గా మారింది. వీడియోలో కోహ్లీ లుక్ అదిరిపోయింది. కాగా ఈ సీజన్‌లో ముంబై ఇండియన్స్ తమ తొలి మ్యాచ్‌ను ఈ నెల 24న గుజరాత్ టైటాన్స్‌తో ఆడనుంది. ఇక రాయల్ చాలెంజర్స్ బెంగళూరు ఈ నెల 22న సీజన్ ప్రారంభ మ్యాచ్‌లోనే చెన్నైసూపర్ కింగ్స్‌తో తలపడనుంది.
మరిన్ని క్రీడా వార్తల కోసం ఇక్కడ క్లిక్ చేయండి.
Updated Date - Mar 18 , 2024 | 09:19 PM
