Team India: టీమిండియాకు గ్రాండ్ వెల్ కం
ABN, Publish Date - Jul 04 , 2024 | 06:35 PM
టీ 20 వరల్డ్ కప్‌ గెలిచిన టీమిండియాకు అభిమానులు ఘన స్వాగతం పలికారు. ముంబై బీచ్ రోడ్డు వద్ద అభిమానుల పోటెత్తారు. క్రికెటర్లకు హర్టీ వెల్ కం చెబుతూ పెద్దగా అరిచారు. అభిమానుల ఈలలు, కేకలతో సాగరతీరం హోరెత్తింది. ఆ ప్రాంతం జన సునామీని తలపించింది. ముంబై అంతా ఇక్కడే ఉందా అనే సందేహాం కలిగింది.
టీ 20 వరల్డ్ కప్‌ గెలిచిన టీమిండియాకు యావత్ దేశం ఘన స్వాగతం పలికింది. టీమిండియా క్రికెటర్లు ఈ రోజు ఉదయం ఢిల్లీ చేరుకున్నారు. ప్రధాని మోదీని క్రికెటర్లు కలిశారు. ఒక్కో సభ్యునితో ప్రధాని మోదీ ప్రత్యేకంగా మాట్లాడారు. తర్వాత ముంబై వచ్చారు. ముంబై బీచ్ వద్ద టీమిండియా ప్లేయర్లకు ఘన స్వాగతం పలికారు. ముంబై మెరైన్ డైవ్ నుంచి వాంఖడే స్టేడియం వరకు విజయోత్సవ ర్యాలీ జరుగుతోంది. పరేడ్ కోసం ముంబైలో గల లక్షలాది మంది అభిమానులు చేరుకున్నారు. నారిమన్ పాయింట్ నుంచి ర్యాలీ ప్రారంభం అవగా.. అక్కడికి భారీగా జనం చేరుకున్నారు. ఆ ప్రాంతం జనంతో కిక్కిరిసి ఉంది. అక్కడున్న వారంతా జై భారత్, జయహో భారత్ అనే నినాదాలు చేస్తున్నారు.
Updated Date - Jul 04 , 2024 | 06:52 PM
