సింగరేణిలో కారుణ్య నియామకాల వయోపరిమితి 40 ఏళ్లకు పెంపు
ABN , Publish Date - Jun 12 , 2024 | 05:12 AM
సింగరేణిలో కారుణ్య నియామకాల గరిష్ఠ వయోపరిమితిని 35 ఏళ్ల నుంచి 40 ఏళ్లకు పెంచుతూ రాష్ట్ర ప్రభుత్వం నిర్ణయం తీసుకుంది. ఈ మేరకు మంగళవారం సింగరేణి సంస్థ ఉత్తర్వులు జారీ చేసింది. కారుణ్య నియామకాల ఉద్యోగార్థుల వయోపరిమితిని పెంచాలని కార్మికులు దీర్ఘకాలంగా కోరుతుండగా.. ఇటీవలే వారికి సీఎం రేవంత్‌రెడ్డి, ఉప ముఖ్యమంత్రి భట్టి విక్రమార్క హామీ ఇచ్చారు.
హైదరాబాద్, జూన్‌ 11 (ఆంధ్రజ్యోతి): సింగరేణిలో కారుణ్య నియామకాల గరిష్ఠ వయోపరిమితిని 35 ఏళ్ల నుంచి 40 ఏళ్లకు పెంచుతూ రాష్ట్ర ప్రభుత్వం నిర్ణయం తీసుకుంది. ఈ మేరకు మంగళవారం సింగరేణి సంస్థ ఉత్తర్వులు జారీ చేసింది. కారుణ్య నియామకాల ఉద్యోగార్థుల వయోపరిమితిని పెంచాలని కార్మికులు దీర్ఘకాలంగా కోరుతుండగా.. ఇటీవలే వారికి సీఎం రేవంత్‌రెడ్డి, ఉప ముఖ్యమంత్రి భట్టి విక్రమార్క హామీ ఇచ్చారు. తాజాగా ఆ నిర్ణయం కార్యరూపం దాల్చింది. ఈ సడలింపు నిర్ణయం 2018 మార్చి 9 నుంచి అమల్లోకి రానుంది. దాంతో ఆ రోజు నుంచి 40 ఏళ్లలోపు ఉన్నవారికి కొలువులు దక్కనున్నాయి. ఈ నిర్ణయంతో 2018 నుంచి ఉద్యోగం కోసం ఎదురుచూస్తున్న దాదాపు 300 మంది వారసులకు తక్షణమే ప్రయోజనం చేకూరనుందని సింగరేణి సీఎండీ ఎన్‌.బలరామ్‌ తెలిపారు.
