Medak: యువకుడి ఉసురుతీసిన.. ఆన్‌లైన్‌ బెట్టింగ్‌..
ABN, Publish Date - Jun 17 , 2024 | 05:11 AM
ఆన్‌లైన్‌ బెట్టింగ్‌ ఓ యువకుడి ప్రాణాలు తీసింది. ఈ ఘటన మెదక్‌ జిల్లా రామాయంపేట మండలం ధర్మారం గ్రామంలో జరిగింది. గ్రామానికి చెందిన దొమ్మాట భాను(24) డిగ్రీ పూర్తి చేసి డ్రైవర్‌గా పనిచేస్తున్నాడు.
3 రోజుల క్రితం ఆత్మహత్యాయత్నం.. ఆస్పత్రిలో ఆదివారం మృతి
రామాయంపేట, జూన్‌ 16: ఆన్‌లైన్‌ బెట్టింగ్‌ ఓ యువకుడి ప్రాణాలు తీసింది. ఈ ఘటన మెదక్‌ జిల్లా రామాయంపేట మండలం ధర్మారం గ్రామంలో జరిగింది. గ్రామానికి చెందిన దొమ్మాట భాను(24) డిగ్రీ పూర్తి చేసి డ్రైవర్‌గా పనిచేస్తున్నాడు. కొన్ని రోజులుగా ఆన్‌లైన్‌ బెట్టింగ్‌కు అలవాటుపడి రూ.2 లక్షల దాకా నష్టపోయాడు. దీంతో మనస్తాపం చెంది మూడు రోజుల క్రితం తన వ్యవసాయ పొలం వద్ద పురుగుల మందు తాగి అపస్మారక స్థితిలోకి వెళ్లాడు. గమనించిన కుటుంబీకులు వైద్యం కోసం హైదరాబాద్‌లోని ఓ ప్రైవేటు ఆస్పత్రిలో చేర్పించారు. చికిత్స పొందుతూ ఆదివారం మృతిచెందాడు. ఈ మేరకు కేసు నమోదు చేసుకుని దర్యాప్తు చేస్తున్నామని ఎస్సై రంజిత్‌ తెలిపారు.
Updated Date - Jun 17 , 2024 | 05:11 AM
